26 верасня ў Рэспубліцы Беларусь праводзіцца Адзіны дзень бяспекі. Задачы гэтага дня:

- правядзенне адукацыйна-выхаваўчай работы па фарміраванні ў грамадстве культуры бяспекі жыццядзейнасці;

- прапаганда бяспечных умоў пражывання насельніцтва (асабліва ў дзіцяча-юнацкім і моладзевым асяроддзі).

У дзіцячым аддзеле для навучэнцаў 4 «Д» класа пачатковай школы № 10 прайшла пазнавальная гульня «Бяспечнае дзяцінства». У юнацкім аддзеле для 6-класнікаў СШ № 3 адбылася гадзіна інфармацыі «Компас бяспекі». Удзельнікі мерапрыемстваў даведаліся пра розныя надзвычайныя сітуацыі, якія ўзнікаюць у паўсядзённым жыцці; аб ступенях іх небяспекі і парадку дзеянняў, калі НС усё ж адбылася.

У агульнай чытальнай зале абласной бібліятэкі падрыхтавана выстаўка літаратуры «У цэнтры ўвагі — бяспека».

Супрацоўнікі бібліятэкі прайшлі інструктажы па ахове працы і пажарнай бяспецы.

Аддзел маркетынгу і сацыякультурнай дзейнасці

+375 162 52 72 81