11 мая 2023 г. супрацоўнікі агульнай чытальнай залы Брэсцкай абласной бібліятэкі імя М. Горкага прадставілі выставу «Генацыд у Беларусі. Памяць не памірае» ў Брэсцкім гарадскім выканаўчым камітэце. З матэрыяламі выставы азнаёміліся старшыня Брэсцкага гарвыканкама С. М. Лабадзінскі і намеснікі, супрацоўнікі ўсіх упраўленняў, службаў і аддзелаў.

Экспазіцыя ўключыла дакументальныя і аналітычныя крыніцы, навуковую, навукова-папулярную літаратуру, фотадакументы, публікацыі з перыядычнага друку, якія раскрываюць сутнасць нацысцкай палітыкі генацыду ў Беларусі і сведчаць велізарныя маштабы трагедыі.

Асаблівую цікавасць выклікаў зборнік дакументаў з серыі «Без тэрміну даўнасці» аб злачынствах нацыстаў і іх памагатых супраць мірнага насельніцтва на тэрыторыі Брэсцкай вобласці, выдадзены ў 2022 г. Нацыянальным архівам Рэспублікі Беларусь. У зборніку апублікавана 212 дакументаў, многія з якіх упершыню ўведзены ў навуковы абарот.

#бібліятэка_9/05 #библиотека_9/05 #lib_9/05

Аддзел маркетынгу і сацыякультурнай дзейнасці

+375 162 57 48 76