З нагоды святкавання 225 год з дня нараджэння беларускага і польскага паэта, удзельніка таварыства філаматаў, фалькларыста, этнографа і мовазнаўца Яна Чачота і для ўшанавання памяці, захавання і папулярызацыі яго літаратурнай спадчыны Брэсцкай абласной бібліятэкай імя М. Горкага і Баранавіцкай цэнтральнай раённай бібліятэкай імя Я. Чачота створаны віртуальны музей «Ян Чачот — прадвеснік беларускага Адраджэння».

Віртуальны музей складаецца з раздзелаў, якія максімальна поўна раскрываюць усе бакі жыццёвай і творчай дзейнасці пісьменніка. Акрамя таго, рэсурс змяшчае поўныя тэксты яго твораў, літаратурна-крытычныя і архіўныя матэрыялы, звесткі пра месцы, якія звязаны з яго імем.

http://brl.by/museum-chechot/html/index.html