Выстава «Журнал Вооружённых Сил Республики Беларусь „Армия“ — 25 лет»

З 6 мая па 10 чэрвеня 2021 г. у чытальнай зале бягучых перыядычных выданняў Брэсцкай абласной бібліятэкі імя М. Горкага экспануецца выстава перыёдыкі «Журнал Вооружённых Сил Республики Беларусь „Армия“ — 25 лет» з цыкла «Юбілейная гісторыя», які на працягу года будзе знаёміць з перыядычнымі выданнямі-юбілярамі. Сімвалічна, што напярэдадні свята Перамогі цыкл адкрывае выстава, прысвечаная часопісу «Армия», які адзначае сёлета сваё 25-годдзе.

«Армия» — гэта поўнакаляровае ілюстраванае перыядычнае выденна аб дзейнасці Узброеных Сіл Рэспублікі Беларусь. З 1996 г., моманту выхаду ў свет першага нумара, ён паступае ў бібліятэку. На яго старонках даследуюцца пытанні будаўніцтва беларускай арміі, асвятляюцца праблемы ваеннай навукі, аналізуецца вопыт армій краін блізкага і далёкага замежжа, распавядаецца аб магчымасцях сістэм узбраенняў і перспектывах іх развіцця, прапагандуецца перадавы вопыт патрыятычнага выхавання і дапрызыўнай падрыхтоўкі моладзі.

На выставе прадстаўлены першыя і юбілейныя выданні часопіса, важныя дакументы і цікавыя матэрыялы з пастаянных рубрык: «Военный архив», «История оружия», «Солдаты Победы», «Боевая подготовка», «Уникальные подразделения армии» і інш.

Запрашаем усіх зацікаўленых пазнаёміцца з матэрыяламі выставы.

Смялова Людміла Сцяпанаўна,

бібліятэкар чытальнай залы бягучых перыядычных выданняў

Кантактны тэлефон: +375 162 57 48 39