Да дня нараджэння брытанскай пісьменніцы Джаан Роўлінг (Joanne Rowling) у аддзеле літаратуры на замежных мовах Брэсцкай абласной бібліятэкі імя М. Горкага адкрылася выстава «Джоан Роулинг: 55 лет и 20 книг».

Дж. К. Роўлінг — пісьменніца, сцэнарыст і кінапрадзюсер, найбольш вядома дзякуючы серыі раманаў пра Гары Потэра. Гэтыя кнігі атрымалі мноства ўзнагарод і былі прададзеныя ў колькасці больш за 500 млн асобнікаў, што зрабіла іх самай прадаваемай серыяй кніг у гісторыі.

На сённяшні дзень Джаан Роўлінг актыўна займаецца дабрачыннасцю, дапамагае дзецям і дарослым, якія пакутуюць ад рассеянага склерозу. Пісьменніца заснавала клініку рэгенератыўнай неўралогіі імя Эн Роўлінг (яе маці, якая памерла ад гэтага захворвання).

На выставе прадстаўлены творы пісьменніцы на арыгінальнай англійскай мове і ў перакладзе на нямецкую, польскую, беларускую і рускую мовы. Гэта кнігі для розных узроставых груп, выдадзеныя пад рознымі псеўданімамі. Пазнаёміцца з творчасцю брытанкі, якая прайшла шлях ад жыцця на сацыяльную дапамогу да мультымільянершы ўсяго за 5 гадоў, вы можаце з 28 ліпеня па 13 жніўня 2020 г. у аддзеле літаратуры на замежных мовах (3-і паверх) і на старонках аддзела ў сацыяльных сетках:

https://www.facebook.com/brestcorner.ino

https://vk.com/library_gorky

https://www.instagram.com/library_gorky

Ірына Валянцінаўна Бурбліс,

бібліятэкар аддзела літаратуры на замежных мовах

Кантактны тэлефон: +375 162 59 21 74