Мы адзначаем юбілей — 80 гадоў з дня нараджэння народнага артыста Беларусі, лаўрэата Дзяржаўнай прэміі Рэспублікі Беларусь, педагога, кінарэжысёра Міхаіла Мікалаевіча Пташука (28.01.1943 – 26.04.2002). Ураджэнец вёскі Федзюкі Ляхавіцкага раёна, што на Брэстчыне. Ён скончыў Маскоўскае тэатральнае вучылішча імя Б. Шчукіна (1967), Вышэйшыя рэжысёрскія курсы Дзяржкіно СССР (1972) і з 1974 г. працаваў на нацыянальнай кінастудыі «Беларусьфільм».

Запрашаем наведаць выставу «Быць рэжысёрам ва ўсім» у аддзеле літаратуры па мастацтве (3-і паверх). У юбілейнай экспазіцыі прадстаўлены кніжныя і перыядычныя выданні (больш за 40 экз.) аб жыцці і творчасці майстра. Творчасць М. Пташука гэта своеасаблівы «кіналетапіс вайны», экранізацыя твораў Васіля Быкава, Івана Шамякіна, Уладзіміра Багамолава. «Знак бяды», «Вазьму твой боль», «У жніўні 44-га» ўвайшлі ў «залаты фонд» айчыннага кінематографа. Выстава экспануецца да сярэдзіны лютага.

Аддзел літаратуры па мастацтве

+375 162 57 48 78