Аддзел абанемента Брэсцкай абласной бібліятэкі імя М. Горкага запрашае вас азнаёміцца з матэрыяламі выставы «Школьныя гады цудоўныя», прымеркаванай да Дня ведаў.

Супрацоўнікі аддзела абанемента падрыхтавалі для вас выдатную падборку мастацкіх твораў аб школе, вучнях і настаўніках. На выставе прадстаўлена разнастайная літаратура — як сур'ёзная і павучальная, так і забаўляльная і нават смешная. Вы зможаце акунуцца ў свет твораў як класікаў, так і сучасных аўтараў.

Экспазіцыю адкрываюць творы беларускіх пісьменнікаў, сярод якіх: Зінаіда Дудзюк «Канікулы на астэроідзе», Іван Навуменка «Дзяцінства. Падлетак. Юнацтва», Алена Васілевіч «Горкі ліпавы мёд», Іван Сяркоў «Мы з Санькам у тыле ворага», Святлана Язерская «Россып» і іншыя аўтары. Сярод твораў расійскіх класікаў — «Дзяцінства. Малалецтва. Юнацтва» Льва Талстога, «Кандуіт і Швамбранія» Льва Касіля і г.д. Замежная літаратура ўключыла прадстаўнікоў розных краін: італьянца Джавані Моска «Успаміны аб школе», амерыканца Грэга Мортэнсана «Школа на краі зямлі», аўстралійца Маркуса Зусака «Кніжны злодзей» і многіх іншых.

Гэтыя творы распавядаюць пра сталенне, сяброўства, першае каханне і цяжкасці вучобы, паказваючы розныя бакі школьнага жыцця: радасныя моманты, канфлікты і расчараванні.

Запрашаем вас знайсці новыя цікавыя кнігі і ўспомніць аб сваіх школьных гадах. Экспазіцыя адкрыта для прагляду да 7 верасня 2025 года.

Аддзел абанемента

+375 162 57 48 09