14 лістапада 2024 г. у Публічным цэнтры прававой інфармацыі Брэсцкай абласной бібліятэкі імя М. Горкага для студэнтаў I курса юрыдычнага факультэта БрДУ імя А. С. Пушкіна адбыўся дзень адчыненых дзвярэй «Прававы чацвер».

Загадчык чытальнай залы Тамара Васільеўна Глазкова праінфармавала аб шматгадовым супрацоўніцтве бібліятэкі і юрыдычнага факультэта ўніверсітэта. Аб прававых рэсурсах бібліятэкі, дзяржаўнай сістэме прававой інфармацыі, прававых сайтах і рабоце ПЦПІ расказала вядучы бібліятэкар агульнай чытальнай залы Ірына Мікалаеўна Марашчук.

У ходзе мерапрыемства ўдзельнікам была прадстаўлена выстава «Свет права: літаратура ў дапамогу навучальнаму працэсу». Таксама будучыя юрысты азнаёміліся з інфармацыйна-пошукавымі сістэмамі і багатым дакументным фондам прававой тэматыкі. Завяршылася сустрэча віктарынай «Я — будучы юрыст», у якой студэнты паказалі высокія веды профільных прадметаў. Лепшыя знаўцы адзначаны дыпломамі і прызамі.

Публічны цэнтр прававой інфармацыі

+375 162 5748 74