30–31 кастрычніка 2024 г. у г. Гродна прайшоў міжабласны семінар дырэктараў дзяржаўных устаноў культуры бібліятэчнага тыпу Гродзенскай і Брэсцкай абласцей «Бібліятэка як прастора для навучання, развіцця, зносін і адпачынку».

Ад Брэсцкай абласной бібліятэкі імя М. Горкага ў семінары прынялі ўдзел дырэктар Алена Якаўлеўна Стрыжэвіч, заг. аддзела бібліятэказнаўства Ала Сцяпанаўна Кузьміна, заг. аддзела маркетынгу і сацыякультурнай дзейнасці Вікторыя Аляксандраўна Міхайлава.

З прывітальным словам да ўдзельнікаў семінара звярнуліся: намеснік начальніка ўпраўлення культуры Гродзенскага аблвыканкама Сняжана Віктараўна Куратчык і начальнік аддзела па каардынацыі дзейнасці арганізацый культуры ўпраўлення культуры Брэсцкага аблвыканкама Дар'я Анатольеўна Краўчук.

Падчас семінара былі прэзентаваны дасягненні бібліятэчнай сферы Гродзенскага рэгіёна і ўстаноў Брэсцкай вобласці. Удзельнікі азнаёміліся з лепшымі сацыякультурнымі праектамі апошніх гадоў Брэсцкай абласной бібліятэкі.

У рамках семінара былі таксама арганізаваны экскурсія па Гродна, наведванне Скідзельскай гарадской і Мастоўскай раённай бібліятэк, ускладанне кветак да помніка «Журботная маці» на месцы спаленай вёскі Княжаводцы, наведванне бібліятэк аг. Квасоўка і аг. Гудзевічы.

Шчыра дзякуем калегам з Гродна за ініцыятыву, высокі ўзровень падрыхтоўкі семінара і цёплы прыём! Разам мы робім адну добрую справу на карысць нашай Беларусі!

Аддзел сацыякультурнай дзейнасці і маркетынгу

+375 162 52 72 81