Увекавечанне памяці

Памяць

Шэсць дзясяткаў гадоў — такі жыццёвы шлях Васіля Праскурава. Таленавіты нарысіст пайшоў з жыцця ў самым росквіце творчых сіл. Незавершаная аповесць «Наўсцяж вясковай вуліцы», у рукапісным варыянце на пісьменніцкім стале засталіся не надрукаванымі некалькі апавяданняў. Мастацкая проза складае асноўную частку неапублікаванай спадчыны Васіля Праскурава. Пасмяротна выдадзеная кніга «Наўсцяж вясковай вуліцы» — даніна памяці таленавітаму пісьменніку. У яго гонар названы вуліцы ў г. Ганцавічы і аг. Агарэвічы, цэнтральная раённая бібліятэка носіць імя Васіля Праскурава. Мемарыяльныя дошкі ўстаноўлены на будынку рэдакцыі раённай газеты «Савецкае Палессе» і на хаце, дзе да апошніх дзён жыў пісьменнік. Увекавечана яго імя і на Алеі пісьменства ў
г. Ганцавічы. Так ганцаўчане ўшаноўваюць памяць славутага земляка.

Магіла Васіля Праскурава знаходзіцца на старых
могілках у г. Ганцавічы

На будынку рэдакцыі «Савецкае Палессе», дзе працаваў рэдактарам Васіль Праскураў, устаноўлена мемарыяльная дошка

На доме, дзе жыў пісьменнік, устаноўлена мемарыяльная дошка

У 2011 г. імя пісьменніка ўвекавечана на Алеі пісьменства
ў Ганцавічах, адкрытай да рэспубліканскага Дня беларускага пісьменства

У 1995 г. выдадзена
пасмяротная кніга
«Наўсцяж вясковай вуліцы»

Ганцавіцкай цэнтральнай раённай бібліятэцы прысвоена імя В. Ф. Праскурава

У цэнтральнай раённай бібліятэцы імя В. Ф. Праскурава арганізуюцца праскураўскія чытанні

У 1996 г. мастак Аляксей Васільевіч Шалаеў
(г. Пенза, Расія) намаляваў два партрэты
В. Ф. Праскурава. Адзін знаходзіцца ў
Ганцавіцкім раённым краязнаўчым музеі,
другі — у цэнтральнай раённай бібліятэцы
імя В. Ф. Праскурава

У гонар пісьменніка названы вуліцы ў г. Ганцавічы і аг. Агарэвічы

Да святкавання 90-годдзя з дня нараджэння пісьменніка на сайце УК «Ганцавіцкі раённы краязнаўчы музей» створана віртуальная выстава «Васіль Праскураў. На зямлі сярод людзей» .