Паважаныя чытачы, аддзел перыядычных выданняў з 25 чэрвеня па 25 ліпеня запрашае наведаць выставу «Кутачок зямлі, што радзімай завем», прымеркаваную да Дня Незалежнасці Рэспублікі Беларусь.

Штогод 3 ліпеня беларускі народ адзначае Дзень Незалежнасці. Гэтае свята — галоўнае свята краіны. Незалежнасць — гэта магчымасць вырашаць свой лёс самім, прымаць рашэнні, увасабляць іх у жыццё і несці за іх адказнасць. Дзень Незалежнасці звязаў разам пераемнасць шматвяковых традыцый, працоўную доблесць і дасягненні беларускага народа.

Любоў да Радзімы, роднай зямлі — гэта рыса нацыянальнага характару беларусаў, якая склалася гістарычна. Нам ёсць чым ганарыцца і ёсць што паказаць усяму свету. Нараўне з развіццём прамысловасці і сельскай гаспадаркі ў Беларусі захаваліся сапраўды ўнікальныя куткі прыроды.

«Наша Радзіма пачынаецца з прыгажосці роднай старонкі. І, углядаючыся ў краскі, колеры, падараваныя нам воляю лёсу, мы адчуваем асаблівую еднасць, знітаванасць з усім беларускім светам... Наша Радзіма — прыгожая краіна... Беларусь уражвае сваёй разнастайнасцю» — так пра нашу краіну кажа Алесь Карлюкевіч.

На экспазіцыі прадстаўлены матэрыялы аб гісторыі дзяржаўнасці Беларусі, значэнні Дня Незалежнасці для краіны, а таксама публікацыі аб жыцці і дасягненнях беларускага народа ў сучасным свеце.

Выстава падрыхтавана па матэрыялах часопісаў: «Армия», «Беларуская думка», «Гісторыя і грамадазнаўства», «Союзное государство», «Милиция Беларуси», «Юстиция Беларуси» і інш.

Аддзел перыядычных выданняў

+375 162 57 48 39