Кніга пачынаецца з назвы, нярэдка яна дае ключ да разумення сэнсу твора. З 7 па 27 ліпеня 2025 г. у аддзеле абанемента Брэсцкай абласной бібліятэкі імя М. Горкага будзе экспанавацца выстава «Кнігі-аднафамільцы» — творы розных аўтараў з аднолькавымі ці падобнымі назвамі.

Аказваецца, такіх кніг шмат! Многія назвы твораў айчынных пісьменнікаў пераклікаюцца з назвамі кніг замежных аўтараў. Напрыклад, раман «залатога класіка» французскай літаратуры Антуана дэ Сэнт-Экзюперы «Цытадэль» і фантастычны твор Гая Юлія Арлоўскага «Цытадэль». Гэта кнігі зусім розных жанраў, розныя па змесце, але з аднолькавай назвай вартыя вашай увагі. Так, авантурна-дэтэктыўны раман сучаснай пісьменніцы Кацярыны Адлер «Вёска» з серыі «Раманы Рунэту» і класічны твор Івана Буніна «Вёска» акунуць вас у мінулае і сучаснасць сельскіх жыхароў. Супадзенні — у дадзеным выпадку ў назвах кніг — заўсёды выклікаюць цікавасць. Кніга пад назвай «Ева» ёсць у амерыканскага пісьменніка Уільяма Пола Янга, латвійскага пісьменніка Славы Сэ, сучаснага іспанскага празаіка Артура Перэс-Рэвертэ. Таксама «Ева» — гэта дэбютны раман масквічкі Любові Барынавай. Знаёмае нам з гісторыі імя Жаны д'Арк прадстаўлена ў раманах пісьменнікаў Марка Твена, Менгеле Ёзэфа, Крука фон Патурцына, а таксама гісторыкаў Анатоля Левандоўскага і Уладзіміра Райцеса. Назва «Пра каханне» мае дзевяць кніг-цёзак! Гэта зборнік паэта Эдуарда Асадава, кнігі псіхолага Дзіпака Чопры, аўстрыйскага пісьменніка Стэфана Цвейга, англійскай журналісткі і пісьменніцы Алівіі Уэдслі, рускіх празаікаў Міхаіла Булгакава, Леаніда Жухавіцкага, Валерыя Зеленагорскага, беларускага паэта Мікалая Ільінскага і зборніка.

Шмат такіх супадзенняў можна знайсці, наведаўшы нашу выставу. Даведайцеся больш! Будзем рады сустрэчы!

Аддзел абанемента

+375 162 57 48 09