Часоў былых гартаючы старонкі

АРХІЎНЫЯ МАТЭРЫЯЛЫ

    Вялікая колькасць рукапісаў і пісьмаў Я. Чачота зберагалася доўгі час у так званым «Архіве філаматаў», які рупліва збіраў вядомы дзеяч філамацкага руху Ануфрый Петрашкевіч. Пасля яго смерці (1863) архіў захоўвалі яго віленскія сваякі.
    Гэты каштоўны збор перад Вялікай Айчыннай вайной або ў часе вайны прапаў, часткова разышоўся па розных архівах, музеях і бібліятэчных сховішчах. На шчасце, галоўныя дакументы з яго былі ў 1913–1934 гг. апублікаваны ў шматтомным выданні пад назвай «Archiwum Filomatów». Ва ўсёй гэтай серыі апублікавана шмат рукапісаў Я. Чачота і звязаных з ім матэрыялаў.
    Частка I — «Карэспандэнцыя філаматаў 1815–1823 гг.». Склалі яе пяць тамоў, якія выдаў у 1913 г. Я. Чубак.
    Частка II носіць назву «Матэрыялы да гісторыі таварыства філаматаў». Два тамы з гэтай часткі выдалі ў 1920–1921 гг. С. Шпатанскі і С. Петрашкевіч, трэці ў 1934 г. С. Петрашкевіч.
    Частка III — «Паэзія філаматаў». Увайшлі два тамы, выдадзеныя ў 1922 г. Я. Чубакам.
    Куяўска-Паморская электронная бібліятэка (Польшча) дазваляе пазнаёміцца з поўнымі тэкстамі «Архіва філаматаў» на польскай мове.

Czubek, J. Korespondencya, 1815–1823 / Jan Czubek. – Kraków : Nakł. Akademii Umiejętności i Towarzystwa dla Popierania Wydawnictw Akademii, 1913.

Т. 1 : 1815–1820. – 486 s.
Т. 2 : 1820. – 435 s.
Т. 3 : 1820–1821. – 437 s.
Т. 4 : 1821–1823. – 441 s.
Т. 5 : 1823. – 490 s.