Аддзел захоўвання асноўнага фонду — самастойнае структурнае падраздзяленне Бібліятэкі, задачай якога з’яўляецца арганізацыя, улік і забеспячэнне захаванасці асноўнага фонду Бібліятэкі. Фонд аддзела — галіновая літаратура навуковага і навукова-папулярнага характару, энцыклапедыі, слоўнікі, даведнікі, манаграфіі, зборы твораў класікаў сусветнай і айчыннай літаратуры. А таксама беларускія і расійскія перыядычныя выданні мінулых гадоў.

Дакументы кожнага віду групуюцца ў падфонды:

• Кнігі — 213 777 экз.

• Часопісы — 610 назваў, 277 863 экз.

• Газеты — 7 029 падшывак, 585 назваў   

• Аўтарэфераты дысертацый — 10 917 экз.

У аддзеле захоўвання асноўнага фонду вылучаны наступныя калекцыі:

• Калекцыя літаратуры на англійскай мове, прысвечаная ІІ Сусветнай вайне («Fighting for Freedom: The United States in World War II») — 612 экз.

• Калекцыя класікаў марксізму-ленінізму — 1 024 экз.

Аддзел захоўвання асноўнага фонду ўзаемадзейнічае з іншымі структурнымі падраздзяленнямі Бібліятэкі:

• атрымлівае новыя дакументы з аддзела камплектавання фондаў і перадае іх у іншыя падраздзяленні Бібліятэкі;

• прымае літаратуру, якая не карыстаецца попытам чытачоў, але не страціла сваёй каштоўнасці, з аддзелаў абслугоўвання;

• прымае на захоўванне перыядычныя выданні мінулых гадоў;

• ажыццяўляе выдачу літаратуры ў чытальныя залы Бібліятэкі па чытацкіх запытах.

Адзіныя і апошнія экзэмпляры кніг, часопісаў, падшывак газет захоўваюцца ў фондзе пастаянна.

Даведачны апарат аддзела захоўвання асноўнага фонду складаюць:

• Тапаграфічны каталог

• Алфавітная картатэка часопісаў

• Алфавітная картатэка газет

Рэжым работы: 10:00–19:00

Выхадной дзень: пятніца

Санітарны дзень: апошняя серада месяца

Кантактная інфармацыя: 224016, г. Брэст, б-р Касманаўтаў, 48

Тэл.: +375 (162) 57 48 73

Міжбібліятэчны абанемент (МБА) — гэта абмен кнігамі паміж бібліятэкамі з мэтай найбольш поўнага і хуткага задавальнення запытаў чытачоў на кнігі, якія адсутнічаюць у Бібліятэцы.

Паслугі:

• МБА дае магчымасць аддаленым карыстальнікам атрымліваць комплекс паслуг, якія ўключаюць: бібліяграфічную падтрымку заказаў, пошук у разнастайных базах даных, выдачу арыгіналаў у часовае карыстанне.

• Для больш аператыўнага абслугоўвання чытачоў Бібліятэкі заказы накіроўваюцца ў цэнтры МБА па электроннай пошце.

• Папярэдні пошук запатрабаванага дакумента па электронных каталогах бібліятэк дазваляе скараціць тэрмін выканання замовы.

• Бібліятэка падтрымлівае сувязі з усімі ўніверсальнымі і галіновымі цэнтрамі МБА Рэспублікі Беларусь.

Рэжым работы: 10:00–19:00

Выхадной дзень: пятніца

Санітарны дзень: апошняя серада месяца

Кантактная інфармацыя: 224016, г. Брэст, б-р Касманаўтаў, 48

Тэл .: +375(162) 57 48 73

е-mail: obmen.fond.brest@gmail.com

Участак абменнага фонду з’яўляецца адным з напрамкаў работы аддзела захоўвання асноўнага фонду.

Абменны фонд фарміруецца з пасіўнай часткі фонду, а менавіта, з бібліятэчных дакументаў, якія не страцілі сваёй навуковай і гістарычнай каштоўнасці. У фондзе, які налічвае больш за 2,5 тыс. экз. кніг для абмену, шырока прадстаўлена літаратура на рускай і беларускай мовах.

Асноўныя задачы абменнага фонду:

- фарміраванне абменнага фонду з мэтай захоўвання дакументаў, якія не карыстаюцца попытам, і папаўненне ўласных фондаў Бібліятэкі;

- удзел у абласным, рэспубліканскім і міжнародным дакументаабмене;

- інфармаванне бібліятэк усіх сістэм і ведамстваў пра склад абменнага фонду Бібліятэкі шляхам складання і распаўсюджвання спісаў дакументаў, прызначаных для абмену і размеркавання;

- правядзенне для спецыялістаў вобласці мерапрыемстваў па павышэнні кваліфікацыі і абмене вопытам у сферы ўнутрырэспубліканскага і міжнароднага дакументаабмену.

Асноўныя крыніцы камплектавання абменнага фонду:

- дары;

- уласныя выданні Бібліятэкі;

- дакументы, спісаныя па прычыне дублетнасці, з дзеючых фондаў Бібліятэкі і фондаў іншых бібліятэк вобласці;

- дакументы, закупленыя для міжнароднага абмену, паводле дамоваў аб супрацоўніцтве.

Рэжым работы: 10:00–19:00

Выхадной дзень:пятніца

Санітарны дзень: апошняя серада месяца

Кантактная інфармацыя: 224016, г. Брэст, б-р Касманаўтаў, 48

Тэл.: +375(162) 57 48 73

е-mail: mba.brest@mail.ru