Not seeing a Scroll to Top Button? Go to our FAQ page for more info.
 

Электронны рэсурс «Агонь душы Ніны Мацяш»

Электронны рэсурс «Шчыраверная слову. Галіна Малажай»

Электронны рэсурс «Уладзімір Калеснік — чалавек Адраджэння»

Віртуальны музей «Ян Чачот — прадвеснік беларускага Адраджэння»

Электронный ресурс «Узняцца да лёсу чалавечага: да 75-годдзя з дня нараджэння Валянцiны Локун (1946–2016)»



Выстава «Мир эсперанто: издания из фонда отдела редкой книги»

Выстава «Мир эсперанто: издания из фонда отдела редкой книги»

Выстава «Мир эсперанто: издания из фонда отдела редкой книги»

5 мая 2022 года ў аддзеле рэдкай кнігі Брэсцкай абласной бібліятэкі адкрыецца кніжная выстава «Мир эсперанто: издания из фонда отдела редкой книги», на якой будуць прадстаўлены кнігі на мове эсперанта.


Эсперанта — найбольш распаўсюджаная са сканструяваных міжнародных моў, створаная варшаўскім лінгвістам і лекарам-акулістам Лазарам Маркавічам Заменгофам у 1887 годзе, пасля дзесяці гадоў працы. Псеўданім Заменгофа — Эсперанта (літаральна «Які спадзяецца») — вельмі хутка стаў назвай самой мовы.


Спачатку эсперанта-рух існаваў у асноўным у Расійскай імперыі і Усходняй Еўропе, але неўзабаве распаўсюдзіўся на Заходнюю Еўропу і за яе межы: у Аргенціну, Канаду, ЗША, Японію, Аўстралію і іншыя краіны.


Эсперанта — найбольш паспяховы з усіх штучных моў па ступені распаўсюджвання і колькасці карыстальнікаў. Цяпер у свеце налічваецца, па розных ацэнках, ад ста тысяч да двух мільёнаў чалавек, якія размаўляюць на эсперанта.


На выставе будуць прадстаўлены кнігі на мове эсперанта, выдадзеныя ў краінах Еўропы ў першай чвэрці ХХ стагоддзя. Сярод іх пераклады твораў Ч. Дзікенса, І. Гётэ, Э. Ажэшкі, зробленыя самім Лазарам Заменгофам з нямецкай і польскай моў.


На выставе будзе экспанавацца адзін з першых эсперанта-слоўнікаў — «Vortaro de esperanto» («Слоўнік эсперанта»), складзены Казімежам Беінам (псеўданім Кабе), польскім афтальмолагам, выдатным эсперантыстам, прызнаным лепшым эсперанта-стылістам перыяду развіцця эсперанта да Першай сусветнай вайны. Слоўнік выдадзены ў Парыжы ў 1925 годзе. Гэта трэцяе выданне, першае выйшла ў 1911 г., другое — у 1922 г.


Цікавы той факт, што большая частка кніг на эсперанта, прадстаўленых на выставе, з асабістай бібліятэкі Сяргея Новіка-Пяюна (сапраўднае імя Сяргей Міхайлавіч Новік; 1906 – 1994), беларускага пісьменніка, выдаўцы, грамадскага дзеяча і эсперантыста (пісаў на беларускай, рускай, польскай мовах і на эсперанта).


Запрашаем наведаць нашу выставу! Яна будзе адкрыта для прагляду да канца чэрвеня.



Аддзел рэдкай кнігі

+375 162 57 48 30


Зварот да спісу