![]() |
![]() |
![]() |
Брэсцкая абласная бібліятэка імя М. Горкага |
|
![]() |
![]() |
![]() |
Брэсцкая абласная бібліятэка імя М. Горкага |
|
17 снежня 2020 г. у Брэсцкай абласной бібліятэцы імя М. Горкага адбыліся заняткі Школы прававых ведаў па тэме «Падлеткавая злачыннасць: як яе пазбегнуць». У мерапрыемстве ўзялі ўдзел адвакат юрыдычнай кансультацыі Ленінскага раёна г. Брэста Максім Юр’евіч Маўчанюк, старшы выкладчык кафедры грамадзянска-прававых дысцыплін БрДУ імя А. С. Пушкіна Людміла Алегаўна Шэрайзіна і студэнты юрыдычнага факультэта ўніверсітэта.
Максім Юр’евіч Маўчанюк у сваім выступленні падняў праблемы, якія існуюць у маладзёжным асяроддзі, расказаў аб юрыдычнай адказнасці за парушэнне законаў. Асаблівую ўвагу надаў прававой адказнасці за незаконны абарот наркатычных сродкаў.
На занятках прысутнічалі навучэнцы 4-га курса Брэсцкага музычнага каледжа імя Р. Шырмы. Яны прынялі актыўны ўдзел у абмеркаванні пытанняў, якія падымаліся падчас сустрэчы.
Студэнтамі з «Юрыдычнай клінікі», якая функцыянуе пры юрыдычным факультэце БрДУ, для слухачоў Школы былі праведзены гульні і віктарына па тэме занятку.
Марашчук Ірына Мікалаеўна,
гал. бібліятэкар агульнай чытальнай залы
Кантактны тэлефон: +375 162 57 48 74