З 5 ліпеня па 1 жніўня 2023 г. ў аддзеле перыядычных выданняў будзе экспанавацца выстава перыёдыкі «Навука, даследаванні, тэхналогіі: часопісу “Наука и инновации” — 20 гадоў» з цыкла «Юбілейная гісторыя».

«Наука и инновации» — спецыялізаваны часопіс Нацыянальнай акадэміі навук Беларусі, які асвятляе важнейшыя праблемы развіцця навукі і тэхнікі, а таксама інавацыйны рух у краіне і за мяжой. Выданне змяшчае інфармацыю аб найноўшых навукова-тэхнічных адкрыццях і дасягненнях, канцэптуальных і практычных падыходах да вырашэння пытанняў развіцця інавацыйнай дзейнасці, вынаходніцтва і дзяржаўнай палітыкі ў сферы інавацый. Аўтары часопіса — навуковыя супрацоўнікі і аспіранты акадэмічных і галіновых НДІ, ВНУ, спецыялісты інавацыйных прадпрыемстваў, наватары і вынаходнікі, а таксама работнікі органаў дзяржаўнага кіравання.

Часопіс выдаецца з 2003 года, у Брэсцкую абласную бібліятэку паступае з 2014 года. Выходзіць 1 раз у месяц на рускай і беларускай мовах.

На выставе прадстаўлены юбілейныя нумары часопісаў; артыкулы аб Брэсце, стратэгіях яго развіцця; а таксама публікацыі з часопіса, раней размешчаныя ў «Чытацкім рэйтынгу».

Чытаць тут:

1. Власюк, Н. Н. Город мечты: уникальный опыт Бреста / Николай Власюк // Наука и инновации. - 2020. — № 12. — С. 22—26.

2. Абламейко, М. С. "Умный город": от теории к практике / Мария Абламейко, Сергей Абламейко // Наука и инновации. - 2018. — № 6. — С. 28—34.

3. Капліеў, А. А. Хуткая медыцынская дапамога ў Беларусі: гісторыя ўзнікнення / Аляксей Капліеў // Наука и инновации. - 2022. — № 12. — С. 62—67.

4. Косенков, А. Ю. TikTok: новые возможности и вызовы информационному обществу / Александр Косенков // Наука и инновации. - 2022. — № 9. — С. 70—74.

5. Кухаронак, Т. І. Традыцыйныя радзінныя звычаі і абрады беларусаў / Таццяна Кухаронак // Наука и инновации. - 2022. — № 7. — С. 21—25.

Аддзел перыядычных выданняў

+375 162 57 48 39