У апошнія гады ва ўсім свеце назіраецца рост папулярнасці сеткавых баз дадзеных. Бібліятэкі ідуць у нагу з часам, забяспечваючы карыстальнікаў неабходнай інфармацыяй і дакументамі на ўсіх відах носьбітаў. Сёння паўнатэкставыя базы дадзеных — не проста дадатак да традыцыйных фондаў бібліятэк, а паўнапраўная іх частка, толькі больш тэхналагічная, практычная і зручная ў выкарыстанні.

ТАА «ІВІС» — адзін з найбуйнейшых распаўсюджвальнікаў паўнатэкставых і бібліяграфічных баз дадзеных. Кампаніі належыць эксклюзіўнае права на распаўсюджванне універсальнай базы дадзеных (УБД) «East View» на тэрыторыі Расіі і СНД. У Беларусі доступ да платных баз дадзеных «East View» праз ТАА «ІВІС» магчымы ў Нацыянальнай бібліятэцы Беларусі, Прэзідэнцкай бібліятэцы і Рэспубліканскай навукова-тэхнічнай бібліятэцы.

З 2021 г. Брэсцкая абласная бібліятэка імя М. Горкага набывае адну з калекцый УБД «East View» — «Педагогіка і адукацыя», якая ўключае паўнатэкставыя артыкулы з 46 расійскіх перыядычных выданняў па педагогіцы і адукацыі. Глыбіня архіва — да 10 гадоў. Усе крыніцы маюць поўную адпаведнасць друкаванай версіі.

Універсальная база дадзеных забяспечаная зручнай і лёгкай у выкарыстанні пошукавай сістэмай з вялікім наборам функцый для вырашэння самых складаных задач. Пошукавая сістэма ўключае ў сябе:

— пошук па ўсёй базе і па асобным выданні;

— пашыраны пошук па палях (аўтар, назва дакумента і г. д.);

— абмежавальнікі па даце публікацыі і крыніцы;

— капіяванне тэксту на знешнія носьбіты;

— раздрукоўка артыкулаў або іх фрагментаў;

— адсылка адзначаных артыкулаў па электроннай пошце.

Пры цяжкасцях пры фарміраванні запыту праграма прадугледжвае «Дапамогу» (выкарыстанне дужак, лічбаў, знакаў і г. д.).

Брэсцкая абласная бібліятэка імя М. Горкага прадастаўляе сваім чытачам магчымасць працаваць з матэрыяламі калекцыі «Педагогіка і адукацыя» УБД «East View» не толькі ў сценах бібліятэкі, але і ў аддаленым рэжыме. Для гэтага неабходна быць чытачом бібліятэкі (прайсці рэгістрацыю) і на бягучы год атрымаць у аддзеле перыядычных выданняў лагін–пароль для працы ў аддаленым рэжыме. Праца з рэсурсам не патрабуе дадатковага праграмнага забеспячэння.

Дадатковую інфармацыю таксама глядзіце па спасылцы: http://brl.by/by/archive/testovyy-dostup-k-baze-dannykh-east-view/

Аддзел перыядычных выданняў

+375 16257 48 39