Паважаныя чытачы!

У 2022 г. Брэсцкая абласная бібліятэка імя М. Горкага працягвае працаваць з калекцыяй «Выданні па педагогіцы і адукацыі» электроннай базы дадзеных «East View». Доступ да базы дадзеных прадастаўляецца праз Віртуальную чытальную залу Нацыянальнай бібліятэкі Беларусі.

«East View» — гэта ўніверсальная паўнатэкставая база дадзеных перыядычных выданняў. Усе крыніцы, прадстаўленыя ў ёй, маюць поўную адпаведнасць друкаванай версіі. Праца з рэсурсам не патрабуе дадатковага праграмнага забеспячэння, для зручнасці карыстальнікаў распрацаваны зразумелы і камфортны інтэрфейс. База дадзеных забяспечана зручнай пошукавай сістэмай з вялікім наборам функцый:

• пошук адначасова па ўсіх базах дадзеных, па любой базе, па асобным выданні;

• пашыраны пошук па палях (аўтар, назва дакумента, рубрыка і г.д.);

• абмежаванні па даце публікацыі і крыніцы;

• капіраванне тэксту на знешнія носьбіты;

• раздрукоўка артыкулаў альбо іх фрагментаў;

• адпраўленне адзначаных артыкулаў па электроннай пошце.

Калекцыя «Выданні па педагогіцы і адукацыі» ўключае 46 назваў вядучых і найбольш папулярных часопісаў, расійскіх навукова-практычных галіновых часопісаў, спецыялізаваных выданняў па адукацыі.

Калекцыя ўключае як новыя артыкулы, так і архіў артыкулаў. Мова дакументаў — руская.

Пералік часопісаў

Доступ да калекцыі «Выданні па педагогіцы і адукацыі» базы даных «East View» прадастаўляецца ў агульнай чытальнай зале і аддзеле перыядычных выданняў.

Для працы ў аддаленым доступе карыстальнікам неабходна прайсці перарэгістрацыю і атрымаць абноўлены лагін і пароль. Чакаем вас у бібліятэцы!

Дадатковая інфармацыя па тэл.: +375 162 57 48 39; +375 162 57 48 74