2 красавіка 2024 г. — у Дзень яднання народаў Беларусі і Расіі — у Брэсцкай абласной бібліятэцы імя М. Горкага адбыліся два відэамосты: «Близкий берег: Мурманская область и Беларусь» з Мурманскай дзяржаўнай абласной універсальнай навуковай бібліятэкай; «СОЗВУЧИЕ: язык литературы — язык дружбы» з Пензенскай абласной бібліятэкай для дзяцей і юнацтва.

У мерапрыемстве «Близкий берег: Мурманская область и Беларусь» прынялі ўдзел супрацоўнікі і чытачы абласной бібліятэкі, а таксама члены Брэсцкага абласнога аддзялення РГА «Рускае грамадства». Брэсцкія бібліятэкары прадставілі свой рэгіён Беларусі, яго гістарычныя і культурныя асаблівасці, значэнне і дасягненні; расказалі пра галоўныя культурна-гістарычныя брэнды Брэста і пра сваю работу па захаванні рэгіянальнай гісторыі і культуры.

Галоўныя бібліятэкі Мурманска і Брэста сталі пляцоўкамі для знаёмства членаў нацыянальна-культурнай аўтаноміі «Белорусы Мурмана», аб'яднання беларусаў Мурманскай вобласці «Радзіма», нацыянальнага беларускага ансамбля «Завея» са сваімі калегамі з Брэсцкага аддзялення «Рускага грамадства». У мерапрыемстве прынялі ўдзел ураджэнцы Брэсцкай вобласці з Мурманска, з Брэсцкай боку ўдзельнікі сустрэчы падзяліліся сваімі фактамі біяграфіі, звязанымі з Мурманскай і Кольскай Поўначчу.

Таксама супрацоўнікі Брэсцкай абласной бібліятэкі распавялі пра свае праекты да 85-годдзя заснавання Брэсцкай вобласці і 80-годдзя вызвалення Беларусі ад нямецка-фашысцкіх захопнікаў.

Відэамост «СОЗВУЧИЕ: язык литературы — язык дружбы» быў прысвечаны трагічным старонкам агульнай гісторыі беларускага і рускага народаў — Вялікай Айчыннай вайне, адлюстраванай у дакументальных кнігах пісьменнікаў-франтавікоў Я. Брыля, У. Калесніка, А. Адамовіча «Я з вогненнай вёскі...» і Д. Граніна і А. Адамовіча «Блакадная кніга». Праз відэасувязь дзесяцікласнікі СШ № 3 г. Брэста сустрэліся са сваімі аднагодкамі — навучэнцамі 10-х класаў СШ № 47 і 11-х класаў СШ № 32 г. Пензы.

Берасцейцы распавялі аднагодкам з Расіі пра генацыд беларускага народа ў гады Вялікай Айчыннай вайны, у тым ліку на Берасцейшчыне: пра карную аперацыю «Прыпяцкія балоты», пра расстрэл выхаванцаў Дамачаўскага дзіцячага дома, пра лагер смерці «Калдычова» ў Баранавіцкім раёне і пра вогненную сястру Хатыні — вёску Дрэмлёва. Пасля гэтага расказалі аб дакументальным зборніку ўспамінаў ацалелых жыхароў спаленых вёсак Беларусі «Я з вогненнай вёскі»: яго аўтарах, якія прайшлі праз нягоды вайны, гісторыі стварэння кнігі, зачыталі хвалюючыя сэрцы кожнага ўрыўкі.

Школьнікі з Пензы прысвяцілі свае выступленні трагедыі блакады Ленінграда. Яны распавялі пра жыццё жыхароў горада падчас блакады, пра дарогу жыцця, пра творчасць знакамітага пісьменніка-франтавіка Данііла Граніна і яго сумеснай з Алесем Адамовічам «Блакаднай кнізе». Зачыталі ўрыўкі з кнігі, якія апавядаюць пра дзяцей блакаднага Ленінграда; пра тое, як паміраюць ад голаду людзі дзяліліся апошнімі скарынкамі хлеба з жывёламі; пра тое, як любоў да кніг і мастацтву дапамагала выжываць у нечалавечых умовах голаду, холаду і абстрэлаў.

У дзень агульнага свята беларусаў і расіян сустрэчы яшчэ раз прадэманстравала непарыўную сувязь нашай гісторыі і культуры, якая звязвае разам лёс нашых краін, вялізную колькасць гістарычных падзей, лёсы канкрэтных людзей і якая прадвызначае нашу агульную будучыню.