Кніга «Шляхецкая кухня» не з'яўляецца гістарычнай рэканструкцыяй арыстакратычнай кухні XVIII–XIX стагоддзяў. Гэта хутчэй аўтарскае бачанне і адаптацыя старадаўняй кухні для сучаснага чытача і кулінара. Алена Мікульчык распавядае гісторыю паходжання кожнай стравы, апісвае, як яна рыхтавалася раней, і якія змены аўтар унесла, а таксама дзеліцца асаблівасцямі тэхналогіі прыгатавання.

Для аматараў гісторыі гэтая кніга проста знаходка: можна не толькі пагрузіцца ў атмасферу XVIII–XIX стагоддзяў, але і пакаштаваць саму гісторыю на смак.