Хатынь — маленькая беларуская вёска, якая стала сімвалам трагедыі беларускага народа ў гады Вялікай Айчыннай вайны. Жудасны лёс жыхароў Хатыні ў гады акупацыі падзяліла мірнае насельніцтва тысяч населеных пунктаў Беларусі. Мемарыяльны комплекс, створаны ў канцы 1960-х гадоў на месцы спаленай вёскі, стаў месцам нацыянальнага пакланення і прымірэння. У кнізе змешчаны гістарычныя звесткі аб самых крывавых старонках у гісторыі Беларусі, гісторыя беларускай вёскі Хатынь ад першых пісьмовых згадак. Асобныя раздзелы прысвечаны гісторыі стварэння мемарыяльнага комплексу «Хатынь», падрабязнаму апісанню мемарыяла і яго філіялаў, а таксама трагедыі гэтай і іншых беларускіх вёсак, знішчаных у гады вайны.

Выданне прызначана для шырокага кола чытачоў, а таксама для тых, хто цікавіцца гісторыяй нашай краіны.