Разглядаецца развіццё самай уплывовай айчыннай бібліяграфічнай сістэмы на працягу апошняга стагоддзя — у час станаўлення асноўных арганізацыйных структур і стварэння самай істотнай часткі яе рэсурснага складніка. Выяўлена спецыфіка бібліяграфічных ведаў, якія ствараюцца ў межах нацыянальнай бібліяграфіі, паказаны яе крыніцазнаўчы характар і сувязі са спецыяльнымі гістарычнымі дысцыплінамі.

На кожным з этапаў прааналізаваны сацыякультурныя ўмовы існавання беларускай нацыянальнай бібліяграфіі як віда дзейнасці, заасяроджана ўвага на створанай бібліяграфічнай прадукцыі, вызначаны кірункі і перспектывы яе развіцця на сучасным этапе.

Выданне будзе карысным гісторыкам, бібліязнаўцам, практыкам, навучэнцам профільных адукацыйных устаноў, а таксама ўсім, хто цікавіцца гісторыяй беларускай нацыянальнай бібліяграфіі.