Not seeing a Scroll to Top Button? Go to our FAQ page for more info.
RU
 

Віртуальны музей Непрачытаная кніга В. Ф. Праскурава



Ваяводская публічная бібліятэка ім. Гераніма Лопацинского ў Любліне

Ваяводская публічная бібліятэка ім. Гераніма Лопацинского ў Любліне

    1. Bocian, M. Pora rozkwitającego życia / Marianna Bocian. – Lublin : Wojewódzka Biblioteka Publiczna im. Hieronima Łopacińskiego w Lublinie, 2017. – 142 с. + СD.

    Творчасць польскай паэткі Марыяны Боцян (Marianna Bocian, 1942–2003) з Вроцлава, якая народзілася на Любліншчыне, гісторыкі літаратуры адносяць да так званай «новай хвалі» падобна творчасці Эвы Ліпскай, Станіслава Бараньчака, Рышарда Крыніцкага. Кніга «Пара квітнеючага жыцця» — зборнік яе прозы. Цяжка вызначыць жанр кнігі і аднесці яе да якога-небудзь літаратурнага напрамку. Аповесць для дзяцей, філасофскі трактат? А можа, зусім не аповесць, а казка, гратэск, фантазія? Вядома, гэта літаратура і для дзяцей, і для дарослых, але такіх, хто не страціў здольнасці да жывога, непасрэднага, дзіцячага светаадчування. Прапануем вам акунуцца ў свет выдатнай светлай фантазіі і мары, якая набліжае нас да тых таямніц Вялікай Кнігі Жыцця і раскрывае здольнасць кожнага бачыць дзейнае жыццё ва ўсім, што нас акружае, і чытаць гэтую Вялікую Кнігу Жыцця сэрцам. Мар’яна Боцян належала да тых шчаслівых істот, для якіх Кніга Жыцця раскрывалася з поўным даверам. «Час квітнеючага жыцця» з’яўляецца самым лепшым таму доказам.


  1. Кніга выдадзена ў Любліне у Ваяводскай публічнай бібліятэцы імя Іераніма Лапацiнскага ў 2017 г. Адрасавана ўсім аматарам польскай мовы і літаратуры, асабліва казачных жанраў. Кніга дапоўнена электронным рэсурсам.



  1. Bibliotekarz Lubelski : Rocznik № 62. – Lublin : Wojewódzka Biblioteka Publiczna im. Hieronima Łopacińskiego w Lublinie, 2018. – 214 c.

«Люблінскі бібліятэкар» — прафесійнае выданне Ваяводскай публічнай бібліятэкі імя Іераніма Лапацінскага ў Любліне. Чарговы выпуск штогодніка будзе цікавы бібліятэкарам і бібліёграфам (у першую чаргу юбілейны артыкул Здзіслава Беленя «Люблінскі саюз культурнай працы і Люблінскі інстытут (1934–1949)»), а таксама тым, хто цікавіцца гісторыяй Польшчы, польскай мовай і культурай (Анджэй Васілеўскі «Уклад сузаснавальнікаў Польскага краязнаўчага таварыства ў справу здабыцця незалежнасці», Агнешка Прымак-Савіц «„Залатая легенда“ Юзафа Пілсудскага ў Люблінскай публіцыстыцы (паміж стварэннем выявы і прапагандай)», Эва Хардзіян «Вялікае вяртанне ў стогадовую гадавіну, ці Год Яна Поцка»).


  1. Pocek, J. Poezje / Jan Pocek. – Warszawa ; Lublin : Ludowa Spółdzielnia Wydawnicza, 2017. – 383 c.

У 2017 г. Любліншчына далучылася да календара юбілеяў са сваім мясцовым і агульнанацыянальным юбілеем. 2017 г. — год Яна Поцка. Паэт, жыццё і дзейнасць якога хоць і звязана з Люблінскім рэгіёнам, з’яўляецца вялікай і значнай фігурай польскага літаратурнага і культурнага жыцця. Кніга паэзіі Яна Поцка — гэта па-сапраўднаму годнае юбілейнае выданне, як у паліграфічным, так і ў змястоўным сэнсе. Зборнік уключае ў сябе поўны збор вершаў паэта, бібліяграфічны паказальнік артыкулаў пра аўтара, каляндар жыцця і творчасці Яна Поцка «Jan Pocek — Kalendarium», а таксама грунтоўную працу Катажыны Смык, прафесара Універсітэта імя М. Складоўскай-Кюры у Любліне, «Пад небам, поўным сонца і Бога — паэзія Яна Поцка». Кніга адрасавана ўсім аматарам паэзіі, гісторыі польскай літаратуры і мовы, а таксама будзе цікава тым, хто вывучае польскую мову.



З вышэйапісанымі кнігамі можна пазнаёміцца ў аддзеле літаратуры на замежных мовах.

  1.                                  





  1.  





Зварот да спісу