Not seeing a Scroll to Top Button? Go to our FAQ page for more info.
RU
 

Віртуальны музей Непрачытаная кніга В. Ф. Праскурава



Аддзел аўтаматызацыі бібліятэчных працэсаў

Аддзел аўтаматызацыі бібліятэчных працэсаў

Аддзел аўтаматызацыі бібліятэчных працэсаў займаецца метадычным, арганізацыйным і тэхнічным забеспячэннем работ у галіне аўтаматызацыі Бібліятэкі і бібліятэк Брэсцкай вобласці, якія адносяцца да сістэмы Міністэрства культуры Рэспублікі Беларусь.

У цяперашні час у Бібліятэцы функцыянуе лакальная вылічальная сетка, у якой задзейнічана 90 працоўных месцаў.

 

Асноўнымі напрамкамі работы аддзела з'яўляюцца:

* Аптымізацыя ўнутрыбібліятэчных працэсаў на аснове аўтаматызацыі асноўных функцыянальных комплексаў задач, што ажыццяўляецца з дапамогай эксплуатацыі АБІС ALIS-WEB (распрацоўшчык НВФ «ІНЕАК»). Падтрымка эксплуатацыі АБІС «ALIS-Web» ажыццяўляецца на аснове пастаяннага адміністравання аўтаматызаванай сістэмы, своечасовага абнаўлення яе модуляў, у адпаведнасці з патрабаваннямі рэспубліканскіх праграм па бібліятэчнай справе;

* Развіццё і падтрыманне ў працаздольным стане камп’ютарнай сеткі Бібліятэкі і аўтаматызаваных рабочых месцаў Бібліятэкі;

* Функцыянаванне комплексу тэхнічных і праграмных сродкаў Бібліятэкі забяспечваецца своечасовай тэхнічнай падтрымкай і абнаўленнем;

* Адміністраванне лакальных камп’ютарных сетак, сервернага і тэлекамунікацыйнага абсталявання забяспечваецца пры дапамозе наладжвання, падтрымкі, дыягностыкі і ліквідацыі праблем, якія ўзнікаюць у рабоце камп’ютарнай сеткі;

* Актуалізацыя і захаванасць уласных электронных рэсурсаў Бібліятэкі забяспечваецца шляхам стварэння архіўных копій на серверах Бібліятэкі і яе структурных падраздзяленняў,  на знешніх носьбітах.

* Падтрымка і абнаўленне сайта Бібліятэкі ажыццяўляецца ў адпаведнасці з Палажэннем аб сайце. Аддзел забяспечвае якаснае выкананне ўсіх відаў работ на праграмным узроўні, непасрэдна звязаных з эксплуатацыяй Сайта: размяшчэнне новай і выдаленне састарэлай інфармацыі, публікацыя інфармацыі з баз даных, распрацоўка новых web-старонак, рэалізацыя палітыкі размежавання доступу і забеспячэнне бяспекі інфармацыйных рэсурсаў;

* Развіццё камунікацыйнай сістэмы Бібліятэкі і садзейнічанне ў рэалізацыі інфармацыйных паслуг на электроннай базе рэалізуецца праз магчымасць прадастаўлення доступу да інфармацыйных рэсурсаў і паслуг у сеткавым рэжыме, і дасягаецца такімі сродкамі, як: web-сайт Бібліятэкі, форум, арганізацыя дыстанцыйнага інфармацыйнага пошуку ў электронным каталогу.

* Функцыянаванне і ўдасканаленне сістэмы абслугоўвання карыстальнікаў Бібліятэкі на аснове інфармацыйных тэхналогій забяспечваецца праз развіццё віртуальнага бібліятэчнага сэрвісу — службу «Спытай бібліятэкара» на сайце Бібліятэкі;

* Метадычная работа ўключае ў сябе кансультаванне і аказанне метадычнай і практычнай дапамогі спецыялістам бібліятэк Брэсцкай вобласці па пытаннях рэалізацыі працэсаў аўтаматызацыі бібліятэк і развіцця інфармацыйных тэхналогій;

* Прапрацоўка перспектыўных напрамкаў развіцця ў сферы інфарматызацыі Бібліятэкі ажыццяўляецца шляхам вывучэння інавацыйных напрамкаў у сферы развіцця бібліятэчных інфармацыйных тэхналогій, распрацоўкі і прасоўвання канкрэтных прапаноў і праектаў;

 

У Бібліятэцы аўтаматызаваны наступныя працэсы:

* камплектаванне і апрацоўка дакументаў;

* стварэнне бібліяграфічных баз даных рознай тэматыкі;

* рэгістрацыя чытачоў;

* абслугоўванне чытачоў;

* МБА.

 

Заг. аддзела: Бабіч Іна Іванаўна

Рэжым работы: 8:30–17:30, абедзенны перапынак: 13:00–14:00

Выхадныя дні: субота, нядзеля

Санітарны дзень: апошняя серада кожнага месяца

Кантактная інфармацыя: 224016, г. Брэст, б-р Касманаўтаў, 48

Тэл .: 375(162) 57  48 75

e-mail: otdel.it.bibl@gmail.com

e-mail: library_brl.by@mail.ru

Зварот да спісу