Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
У аддзеле літаратуры па мастацтве з 11 па 30 мая экспануецца выстава «Вулкан энергіі», прысвечаная юбілею ўнікальнай брэсцкай мастачкі Наталлі Чорнагаловы. Гэта чарговая выстава ў рамках шматгадовага праекта «Знакамітыя майстры нашага горада».
Наталля Чорнагалова з’яўляецца яркай, неардынарнай творчай асобай. Яе работы вызначае незвычайная манера выканання і нейкае фантастычнае змешванне стыляў. Бывала, што мастачка адмаўлялася ад пэндзля і наносіла фарбы на палатно пальцамі. Працуе ў галіне станковага жывапісу ў жанрах пейзажа, нацюрморта, партрэта, удзельніца абласных, рэспубліканскіх і замежных выставак. Творы Наталлі Чорнагаловы знаходзяцца ў Нацыянальным мастацкім музеі ў Мінску, Мастацкім музеі ў Брэсце, а таксама ў прыватных калекцыях Беларусі, краін Еўропы і Амерыкі.
На выстаўцы прадстаўлены альбомы «Беларускі пейзаж другой палавы XX–XXI стагоддзя» (Мінск, 2019), «Мастакі Брэстчыны» (Брэст, 2010, 2019), «Художники Брестчины» (Брэст, 1997; Мінск, 2002), у якіх ёсць рэпрадукцыі карцін Н. Чорнагаловы, і асобныя фотапаштоўкі. З літаратурным творчым партрэтам мастачкі знаёміць кніга Л. Валасюка «Непрыдуманыя партрэты» (Брэст, 2014). Экспазіцыя ўключае таксама перыядычныя выданні і іншыя матэрыялы.
Аддзел літаратуры па мастацтве
+375 162 57 48 78