Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
З 28 жніўня 2019 г. ў чытальнай зале бягучых перыядычных выданняў Брэсцкай абласной бібліятэкі імя М. Горкага экспануецца выстава «Притяжение слова», прымеркаваная да Года кнігі ў СНД.
Гуманітарнае супрацоўніцтва — найважнейшы напрамак узаемадзеяння краін СНД. Рашэнне пра абвяшчэнне 2019 г. Годам кнігі ў Садружнасці Незалежных Дзяржаў было прынята на пасяджэнні Савета кіраўнікоў дзяржаў СНД, якое праходзіла 11 кастрычніка 2017 г. у Сочы. У Год кнігі ў краінах Садружнасці асаблівая ўвага надаецца рэалізацыі сумесных праектаў і шматлікіх культурна-асветніцкіх мерапрыемстваў, накіраваных на далучэнне маладога пакалення да літаратуры і чытання.
Нашым карыстальнікам будзе цікава даведацца аб працы Міжнародных кніжных выстаў-кірмашоў, новых ініцыятывах па арганізацыі саюзных літаратурных сувязяў, узаемаўзбагачэнні літаратур, літаратурна-мастацкай працы ў інтэрнэт-прасторы, традыцыйных літаратурных праектах, развіцці кніжнай справы Саюзнай дзяржавы.
Выстава аформлена па матэрыялах перыядычных выданняў: «Беларусь», «Беларуская думка», «Нёман», «Литературная газета», «СБ. Беларусь сегодня», «Літаратура і мастацтва», «Народная газета», «Союзное государство» і інш.
Спадзяёмся, і наша экспазіцыя дапаможа галоўным задачам Года кнігі: узнаўленню згубленых літаратурных сувязей паміж краінамі СНД і папулярызацыі сучаснай і класічнай літаратуры.
Ляпешка Таццяна Пятроўна,
бібліятэкар I катэгорыі
чытальнай залы бягучых перыядычных выданняў
Кантактны тэлефон: +375 162 57 48 39