5 чэрвеня 2023 г. на базе Брэсцкай абласной бібліятэкі імя М. Горкага адбылася абласная Школа дырэктараў бібліятэчных сістэм Брэсцкай вобласці. У ходзе работы Школы былі разгледжаны розныя аспекты бібліятэчнай дзейнасці:

- міжнароднае культурнае супрацоўніцтва;

- прававое і грамадзянска-патрыятычнае выхаванне насельніцтва;

- роля бібліятэк у духоўна-маральнай асвеце моладзі.

Сваім досведам працы падзяліліся дырэктары Пружанскай, Пінскай, Камянецкай раённых бібліятэчных сістэм.

На паседжанні абмяркоўваліся актуальныя задачы і асноўныя прыярытэты ў дзейнасці бібліятэк у сучасных умовах. Удзельнікі Школы пазнаёміліся з работамі пераможцаў XXXI Рэспубліканскага конкурсу «Бібліятэка як асяродак нацыянальнай культуры», пераможцы абласнога тура конкурсу атрымалі ўзнагароды.

У завяршэнні работы Школы адбылася прэзентацыя кніжнай выставы «Тэма міру і стварэння ў мастацкай літаратуры», падрыхтаванай супрацоўнікамі аддзела абанемента абласной бібліятэкі.

Аддзел бібліятэказнаўства

+375 162 53 04 40