Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
20 кастрычніка 2021 г. у агульнай чытальнай зале Брэсцкай абласной бібліятэкі імя М. Горкага адбыўся чарговы занятак у рамках медыцынскага лекторыя «Будзьце здаровы!».
«Наш зрокавы свет» — тэма сустрэчы. Яна прымеркавана да Сусветнага дня зроку, які адзначаецца 14 кастрычніка.
Спікерам сустрэчы стаў урач-афтальмолаг I кваліфікацыйнай катэгорыі брэсцкага філіяла клінікі «Новы зрок» Алег Уладзіміравіч Бартасевич.
Ён распавёў пра асноўныя праблемы, звязаныя з парушэннем зроку, важныя прафілактычныя меры па іх прадухіленні, захворванні вачэй і метады іх лячэння. Была агучана інфармацыя аб дзейнасці афтальмалагічнага цэнтра «Новы зрок» у Брэсце. Лекцыя суправаджалася мультымедыйнай прэзентацыяй. А. У. Бартасевіч адказаў на шматлікія пытанні ўдзельнікаў лекторыя.
Агляд кніжнай выставы «Наш зрительный мир» прадставіла Т. В. Глазкова, заг. агульнай чытальнай залы.
Мерапрыемства асвятляла тэлекампанія «Буг ТВ».
Агульная чытальная зала
Кантактны тэлефон: +375 162 57 48 74