Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
З кожным годам усё больш людзей звяртаюцца да паслуг медыцынскай касметалогіі і пластычнай хірургіі. Гэтыя напрамкі медыцыны не толькі пра прыгажосць, але і пра фізічнае і ментальнае здароўе.
2 сакавіка 2023 г., напярэдадні свята 8 Сакавіка, у Брэсцкай абласной бібліятэцы імя М. Горкага адбылася сустрэча з вядомымі ў Брэсце спецыялістамі ў галіне прыгажосці і здароўя: галоўным урачом лячэбна-кансультатыўнай паліклінікі Тарасавым Валерыем Васільевічам; пластычным хірургам, анколагам і мамолагам Какоўкай Генадзем Іванавічам; урачом–дэрматолагам вышэйшай катэгорыі Сарокінай Юліяй Сяргееўнай. У іх арсенале — высокаэфектыўныя перадавыя методыкі, найноўшае абсталяванне і велізарны практычны досвед працы, што дазваляе вырашыць шырокі спектр медыцынскіх праблем жыхароў не толькі Брэста і вобласці, але і ўсёй рэспублікі і нават блізкага замежжа.
Госці расказалі аб пластычнай хірургіі як актуальным і запатрабаваным напрамку ў сучаснай медыцыне, аб анкалагічных захворваннях, разнавіднасцях скурных захворванняў і іх лячэнні, а таксама прафілактычных мерах.
Была дадзена падрабязная інфармацыя аб дзейнасці лячэбна-кансультатыўнай паліклінікі і яе паслугах. Прагучалі адказы на шматлікія пытанні прысутных.
Супрацоўнікамі агульнай чытальнай залы была прадстаўлена выстава літаратуры «Прыгажосць і здароўе».
Мерапрыемства прайшло ў рамках медыцынскага лекторыя «Будзьце здаровыя».
Агульная чытальная зала
+375 162 57 48 74