Not seeing a Scroll to Top Button? Go to our FAQ page for more info.
 

Узнагароджанне лаўрэатаў літаратурнай прэміі імя У. А. Калесніка


Узнагароджанне лаўрэатаў літаратурнай прэміі імя У. А. Калесніка

26 верасня ў сценах БрДУ імя А. С. Пушкіна адбылося чарговае ўзнагароджанне лаўрэатаў літаратурнай прэміі імя У. А. Калесніка. Прэмія Брэсцкага абласнога выканаўчага камітэта прысуджаецца ў гонар таленавітага пісьменніка Брэстчыны Уладзіміра Андрэевіча Калесніка, вядомага педагога, літаратуразнаўца, крытыка.


Напачатку мерапрыемства намеснік старшыні Брэсцкага аблвыканкама Алег Вялічка шчыра павіншаваў пераможцаў і ўручыў ганаровыя дыпломы.


У гэтым годзе лепшымі былі названыя творы наступных аўтараў:


- у галіне прозыФёдар Канстанцінавіч Саевіч з вёскі Ясень Пружанскага раёна за кнігу «Беловежская пуща: моя судьба, моя любовь» і Анатоль Галушка з вёскі Магіліцы Івацэвіцкага раёна за кнігу «Яблычны спас»;

- у галіне паэзііГаліна Бабарыка з вёскі Мачуль Столінскага раёна за кнігу «Дарога ў восень» і Настасся Нарэйка з горада Камянца за кнігу «Магдэбургскае права маёй душы»;

- у галіне дзіцячай літаратурыАлена Дэбіш (Гневушава) з горада Брэста за кнігу «Замок тайн».


Таксама Ганаровай граматай Галоўнага ўпраўлення ідэалагічнай работы, культуры і па справах моладзі Брэсцкага аблвыканкама за актыўную грамадзянскую пазіцыю і грамадскую дзейнасць, за значны ўклад у захаванне гісторыка-культурнай спадчыны Берасцейшчыны быў адзначаны пісьменнік-публіцыст з горада Іванава Анатоль Дзенісейка.


З віншавальнымі словамі пераможцам, успамінамі і развагамі аб далейшым лёсе прэміі і берасцейскай літаратуры ўвогуле выступілі: начальнік Галоўнага ўпраўлення ідэалагічнай работы, культуры і па справах моладзі Брэсцкага аблвыканкама Таццяна Гагакава; кандыдат філалагічных навук, дацэнт, член Савета па прысуджэнні прэміі імя У. А. Калесніка Брэсцкага аблвыканкама, загадчык кафедры беларускага літаратуразнаўства БрДУ імя А. С. Пушкіна Уладзімір Сенькавец; дырэктар Брэсцкай абласной бібліятэкі імя М. Горкага, член Савета па прысуджэнні прэміі імя У. А. Калесніка Брэсцкага аблвыканкама Тамара Данілюк і інш.


Супрацоўнікамі аддзела краязнаўчай літаратуры і бібліяграфіі Брэсцкай абласной бібліятэкі імя М. Горкага да мерапрыемства была падрыхтавана кніжная выстава «Лаўрэаты. Літаратурная прэмія Брэсцкага аблвыканкама імя У. А. Калесніка». Першы раздзел выставы быў прысвечаны жыццю і творчай дзейнасці У. А. Калесніка. Сёлета вядомаму пісьменніку, кандыдату філалагічных навук, прафесару, загадчыку кафедры беларускай літаратуры Брэсцкага дзяржаўнага педагагічнага інстытута, стваральніку і кіраўніку абласнога літаратурнага аб'яднання «Зараніца», лаўрэату Дзяржаўнай прэміі імя Якуба Коласа споўнілася б 95 гадоў. Другі і трэці раздзелы выставы прадстаўлены творамі лаўрэатаў прэміі мінулых гадоў, сярод якіх шмат гучных імёнаў, вядомых не толькі на Берасцейшчыне, але і за яе межамі: Мікола Купрэеў, Ніна Мацяш, Міхась Рудкоўскі, Мікола Пракаповіч, Алесь Каско, Зінаіда Дудзюк, Іван Арабейка, Анатоль Крэйдзіч і інш. 


Госці і ўдзельнікі мерапрыемства мелі магчымасць азнаёміцца з усімі кнігамі-пераможцамі лаўрэатаў за мінулыя гады, пачынаючы з 2007 года — года заснавання прэміі.


Жэлянгоўская Ірына Іванаўна, галоўны бібліёграф аддзела краязнаўчай літаратуры і бібліяграфіі

Тэлефон для даведак: +375 162 57 48 79






Еще по теме:

 У Брэсце назвалі імены ўладальнікаў літаратурнай прэміі імя Уладзіміра Калесніка. Пераможцаў віншавалі ў Брэсцкім універсітэце імя Пушкіна. [Электронный ресурс] / Брестский областной исполнительный комитет – Брест, 2017. – Режим доступа: http://brest-region.gov.by/index.php/novosti/51-kultura-i-iskusstvo/7228-u-brestse-nazvali-imjony-ladalnika-litaraturnaj-premii-imya-uladzimira-kalesnika-peramozhtsa-vinshavali-brestskim-universitetse-imya-pushkina – Дата доступа: 27.09.2017

Усіх сабрала адно імя... [Электронный ресурс] / БрГУ ім. А.С. Пушкіна – Брест, 2017. – Режим доступа: http://www.brsu.by/news/usih-sabrala-adno-imya – Дата доступа: 26.09.2017





Возврат к списку