Брестская областная библиотека имени М. Горького |
|
Брестская областная библиотека имени М. Горького |
|
У гэтым годзе Брэст атрымаў ганаровы статус культурнай сталіцы Беларусі. Разам з Полацкам і Туравым наш горад уваходзіць у тройку старэйшых гарадоў краіны. Гэта горад з багатай старажытнай гісторыяй. Сёння Брэст з’яўляецца цэнтрам навукі і культуры рэгіёна.
Да гэтай значнай у жыцці горада падзеі прымеркавана кніжная выстава-прагляд “Брэст — культурная сталіца Беларусі 2015”, падрыхтаваная супрацоўнікамі Брэсцкай абласной бібліятэкі імя М. Горкага. 14 мая яе прэзентацыя адбылася ў пракуратуры Брэсцкай вобласці.
Выстава, на якой было прадстаўлена каля 200 крыніц, змяшчала некалькі раздзелаў: гісторыя, культура, літаратура, мастацтва і асобы. Асаблівая ўвага была нададзена гістарычным і культурным падзеям сусветнага маштабу: першай на тэрыторыі Беларусі друкарні і выдадзенай у ёй Брэсцкай Бібліі, Брэсцкай царкоўнай уніі, Брэсцкаму міру, Брэсцкай крэпасці і г.д. Сярод шматлікіх кніжных выданняў былі прадстаўлены і кнігі-рарытэты: "Wielka encyklopedia powszechna ilustrowana" (1890), "Сборник обязательных постановлений для жителей города Брест-Литовска, составленных Городскою Думою и изданных в период времени с 1883 по 1911 гг." (1911), Jerzy Sroka “Brześć nad Bugiem. Dzieje miasta i twierdzy” (1997), “Народное (национальное) собрание Западной Белоруссии” (1946), “Уния в документах” (1997) і інш.
Галоўным бібліёграфам аддзела краязнаўчай літаратуры і бібліяграфіі Жэлянгоўскай Ірынай Іванаўнай быў падрыхтаваны тэматычны агляд кніжных крыніц, у якіх закраналіся і асвятляліся найбольш важныя культурныя падзеі горада, тэатральныя фестывалі, дзейнасць устаноў адукацыі і культуры, узгадваліся імёны вядомых рэлігійных і культурных дзеячаў, мастакоў, навукоўцаў і пісьменнікаў Берасцейшчыны.