Агонь душы Ніны Мацяш

Ніна Мацяш — самабытная беларуская паэтка, перакладчыца, асветніца. Яна — аўтарка шматлікіх зборнікаў паэзіі, а таксама стваральніца арыгінальных эсэ пра любімых творцаў, аўтарка твораў для дзяцей, п’ес для тэатра лялек, тэлесцэнарыяў.
Яе творчасць — гэта роздум пра лёс чалавека, лёс Радзімы, пра вечныя каштоўнасці душы: Дабрыню, Міласэрнасць, Спагаду. Гэта сцверджанне мастацкім словам адвечнай веры ў перамогу Святла, Дабра, Чалавечнасці.
Ніна Мацяш — лаўрэтка Літаратурнай прэміі Саюза пісьменнікаў Беларусі імя Аркадзя Куляшова, прэміі года «Берасцейская зорка-98», Міжнароднай прэміі імя Грыгорыя Скаварады, Літаратурнай прэміі імя Уладзіміра Калесніка (пасмяротна). Яна — заслужаны дзеяч мастацтваў Рэспублікі Беларусь, ганаровы грамадзянін г. Белаазёрска.

ЖЫЦЦЁ

20 верасня 1943 г.

Нарадзілася ў вёсцы Нівы Бярозаўскага раёна

1950–1960 гг.

Вучоба ў Ніўскай сямігодцы.
Вучоба ў Бярозаўскай дзесяцігодцы

1960–1966 гг.

Вучоба ў Мінскім дзяржаўным педагагічным інстытуце замежных моў

1962 г.

Дэбют верша ў Бярозаўскай раённай газеце «Маяк коммунизма»

1970 г.

Выйшаў першы паэтычны зборнік «Агонь».
Лаўрэат прэміі Усебеларускага фестывалю моладзі, прысвечанага 50-годдзю ЛКСМБ

1971 г.

Член Саюза пісьменнікаў СССР

1973–1977 гг.

Працавала выкладчыцай нямецкай мовы ў Белаазёрскім прафесійна-тэхнічным вучылішчы

1984 г.

Лаўрэат літаратурнай
прэміі імя Аркадзя Куляшова

1988 г.

Ганаровы грамадзянін г. Белаазёрска
Бярозаўскага раёна

1994 г.

Заслужаны дзеяч мастацтваў Рэспублікі Беларусь

1998 г.

Лаўрэат фестывалю
«Берасцейская зорка-1998» у намінацыі «Літаратура»

2008 г.

Лаўрэат Міжнароднай літаратурнай прэміі імя Р. Скаварады

19 снежня 2008 г.

Пайшла з жыцця

2009 г.

Лаўрэат літаратурнай прэміі імя Уладзіміра Калесніка (пасмяротна)

Падрабязней

Падрабязней

Галерэя

Аб Праекце

Ніна Мацяш — самабытная паэтка, перакладчыца, чалавек высокага Духу. Яна была і застаецца ўвасабленнем найлепшых рысаў беларускага народа, геніяльнай выявай у Слове, у творах прыгожага пісьменства філасофскага погляду на вечныя праблемы жыцця чалавека. Яе жыццё і творчасць — гэта сцверджанне Дабра, Любові, Святла і Міласэрнасці.
Віртуальны праект «Агонь душы Ніны Мацяш», створаны агульнымі намаганнямі Брэсцкай абласной бібліятэкі і бібліятэк ДУК «Бярозаўская раённая бібліятэчная сістэма», прапануе матэрыялы з біяграфіі, паэтычныя зборнікі ў электронным выглядзе, а таксама некаторыя пераклады з французскай, польскай, украінскай моў.
Штрыхі да асобы Ніны Мацяш дадаюць публікацыі пра яе жыццё і творчасць, а таксама ўспаміны і вершы-прысвячэнні. Бібліяграфія твораў Ніны Мацяш, а таксама публікацыі пра яе паэтычныя творы, пераклады выяўляюць шматграннасць і багацце яе жыццёвага шляху, адметнасць створанага ёю ў кантэксце еўрапейскай літаратуры.
Прапанаваныя аўтографы на кнігах з яе ўласнай бібліятэкі, якія захоўваюцца зараз у Белаазёрскай гарадской бібліятэцы імя Ніны Мацяш, а таксама яе аўтографы, пакінутыя сваім чытачам, адкрываюць творчыя перазовы паэткі з пісьменнікамі, чытачамі Беларусі.
Новыя штрыхі да партрэта Ніны Мацяш дадаюць фотаздымкі з сямейнага альбома, фота твораў яе пёркаграфіі.
Віртуальны праект «Агонь душы Ніны Мацяш» запрашае ў падарожжа ў яе Сад — сад Паэзіі, Шляхетнасці, Мудрасці і Дабрыні.