Штогод у другую нядзелю кастрычніка ў Беларусі адзначаецца Дзень работнікаў культуры.

Гэта свята больш за 65 тысяч беларусаў — дзеячаў тэатраў і канцэртных арганізацый, спецыялістаў клубаў і творчых калектываў, супрацоўнікаў музеяў і бібліятэк. Сярод людзей прафесій культуры няма абыякавых і выпадковых.

За добрасумленную працу, высокі прафесіяналізм, значны асабісты ўклад у захаванне і развіццё культуры і ў сувязі з прафесійным святам Ганаровай граматай упраўлення культуры Брэсцкага аблвыканкама ўзнагароджана вядучы бібліёграф інфармацыйна-бібліяграфічнага аддзела Брэсцкай абласной бібліятэкі імя М. Горкага Гарбачэўская Валянціна Адамаўна. Падзяку начальніка ўпраўлення культуры Брэсцкага аблвыканкама атрымала Кавалеўская Людміла Віктараўна, бібліятэкар аддзела сацыякультурнай дзейнасці і маркетынгу.

Віншуем калег з заслужанымі ўзнагародамі і жадаем здароўя, поспехаў ва ўсіх пачынаннях, шчасця і дабрабыту! Хай побач з вамі заўсёды будуць людзі, якія натхняюць на новыя творчыя перамогі і здзяйсненні!