Бібліяграфічны паказальнік, прысвечаны жыццю і творчасці брэсцкага мастака-ювеліра Міколы Кузьміча, уключае кароткі нарыс яго жыцця і дзейнасці “Чалавек стагоддзя”, даты жыцця і творчасці, пералік асноўных выставак, на якіх экспанаваліся творы М. П. Кузьміча, а таксама бібліяграфічныя матэрыялы. 

Асноўную частку матэрыялаў складаюць найбольш значныя газетныя і часопісныя артыкулы з фондаў Брэсцкай абласной бібліятэкі імя М. Горкага на беларускай і рускай мовах за перыяд 1987–2011 гг.

Бібліяграфічныя запісы згрупаваны ў наступныя раздзелы: 

Жыццё і дзейнасць майстра;
Аднаўленне Крыжа Еўфрасінні Полацкай;
Стаўратэка для Крыжа Еўфрасінні Полацкай;
Стварэнне ракі для захавання мошчаў Святой Еўфрасінні;
Інтэрнет-рэсурсы;
Вершы, прысвечаныя Міколу Кузьмічу і яго творам;
Выявы твораў мастака;
Відэафільмы.

Унутры раздзелаў бібліяграфічныя запісы размяшчаюцца ў прамым храналагічным парадку. Нумарацыя бібліяграфічных запісаў суцэльная.

Для больш зручнага карыстання паказальнікам змешчаны спіс перыядычных выданняў, матэрыялы з якіх уключаны ў дапаможнік, і імянны паказальнік, які ўключае імёны аўтараў, рэдактараў і іншых асоб, якія ўпамінаюцца ў бібліяграфічных запісах. Прозвішчы асоб размяшчаюцца ў алфавіце , а пры наяўнасці аднолькавых прозвішчаў – у алфавіце ініцыялаў.

Упершыню на старонках паказальніка публікуюцца аўтабіяграфія мастака і экфразіс іконы “Нововизантийская икона “Архангел Михаил” берасцейскага краязнаўца Валерыя Мароза на рускай мове. 

Бібліяграфічны паказальнік разлічаны на даследчыкаў мастацтва, супрацоўнікаў бібліятэк, музейных работнікаў, краязнаўцаў і ўсіх тых, хто цікавіцца творчасцю мастака.