![]() |
![]() |
![]() |
Брэсцкая абласная бібліятэка імя М. Горкага |
|
![]() |
![]() |
![]() |
Брэсцкая абласная бібліятэка імя М. Горкага |
|
З 1 па 31 кастрычніка 2022 года ў рамках праекта «У Брэсце - чытаць. Экспедыцыя» ў аддзеле перыядычных выданняў экспануецца выстава перыёдыкі «Латинская Америка».
Лацінская Амерыка займае ніжні край паўночнаамерыканскага кантынента, Паўднёвую Амерыку і цэлы россып астравоў. Да Лацінскай Амерыкі традыцыйна адносяць 20 дзяржаў рэгіёна, якія ў XVI — XIX стст. былі калоніямі Іспаніі, Партугаліі і Францыі, краін з лацінскай асновай мовы і культуры. У Лацінскай Амерыцы размешчана самая доўгая горная сістэма, самы вялікі вулкан, самы высокі вадаспад, найбуйнейшае возера і найвялікшая рака нашай планеты. Клімат, жывёльны і раслінны свет, культура мясцовых насельнікаў — тут усё незвычайна і ўнікальна.
На выставе прадстаўлены часопісныя публікацыі аб краі загадкавых цывілізацый інкаў, майя і ацтэкаў, аб зямлі ашаламляльных прыгажунь і высакародных кабальера, аб галоўных тытунёвых і кававых рэгіёнах планеты, аб самабытных і разнастайных традыцыях і культурах.
Экспазіцыя падрыхтавана па матэрыялам часопісаў: «Планета», «GEO: непознанный мир: Земля», «Discovery», «Вокруг света», «National Geographic. Россия», «Кудесница» і інш.
Артыкулы для чытання даступны непасрэдна ў аддзеле перыядычных выданняў, а таксама ў электронным варыянце на сайце бібліятэкі ў кантэнце «У Брэсце – чытаць. Экспедыцыя».
Пазнаёміцца са спісам артыкулаў можна тут.
Любую публікацыю з дадзенага спісу мы можам даслаць на электронны адрас чытача, аплата праводзіцца ў адпаведнасці з «Прэйскурантам».
Запрашаем чытачоў стаць удзельнікамі праекту «У Брэсце - чытаць. Экспедыцыя» і знаёміцца з асаблівасцямі той ці іншай краіны праз кнігі і публікацыі.
Аддзел перыядычных выданняў
+375 162 57 48