28 студзеня ў Беларусі адзначаецца Дзень беларускай навукі, які з'яўляецца прафесійным святам для ўсіх навукоўцаў, дзеячаў навукі і супрацоўнікаў навукова-даследчых інстытутаў.

Прыемнай традыцыяй становіцца тое, што гэтае свята прадстаўнікі Брэсцкага дзяржаўнага ўніверсітэта імя А. С. Пушкіна праводзяць у юнацкім аддзеле Брэсцкай абласной бібліятэкі М. Горкага, сустракаючыся са старшакласнікамі.

29 студзеня 2024 года навучэнцы з ДУА «Сярэдняя школа № 27 г. Брэста» і ДУА «Гімназія № 3 імя В. М. Верамяюк» пазнаёміліся з кандыдатам геаграфічных навук, дацэнтам кафедры гарадскога і рэгіянальнага развіцця Святланай Міхайлаўнай Такарчук. Гэта другая сустрэча ў рамках праекта «#1 рэгіён у асобах. Дзіцячыя пытанні — дарослыя адказы».

Святлана Міхайлаўна расказала аб напрамках навукова-даследчай дзейнасці студэнтаў і школьнікаў, аб ГІС-тэхналогіях і магчымасцях папулярызацыі не толькі геаграфічных ведаў, але і ўсіх іншых напрамкаў навукі з дапамогай сучасных тэхналогій.

Студэнтка 3 курса факультэта прыродазнаўства, спецыяльнасць «Геаграфія», Ігнатчук Ангеліна распавяла пра свае дасягненні ў навуцы, аб удзеле ў канферэнцыях і конкурсах, якія праводзяцца як універсітэтам, так і на ўзроўні рэспублікі.

Хлопцы цікавіліся асаблівасцямі паступлення ва ўніверсітэт, тымі магчымасцямі, якія дае даследчая дзейнасць.

Святлана Міхайлаўна і Ангеліна змаглі зарадзіць рабят аптымізмам, а напрыканцы пажадалі ісці наперад да пастаўленых мэтам і дасягаць самых высокіх вяршыняў.

Мы таксама жадаем дзецям усялякіх поспехаў і заўсёды чакаем у бібліятэцы, бо галоўны шлях у навуку пачынаецца з кнігі!