18 мая 2024 г. у аддзеле рэдкай кнігі для студэнтаў філалагічнага факультэта БрДУ імя А. С. Пушкіна праведзены чарговы музейна-бібліятэчны занятак «Национальный символ Беларуси: открываем для себя Беловежскую пущу», распрацаваны да 85-годдзя Брэсцкай вобласці.

Пад якім годам Белавежская пушча згадваецца ў Іпацьеўскім летапісе як стары цнатлівы лес? Якія існуюць версіі паходжання назвы пушчы? У якім годзе ў ВКЛ з'явіўся першы закон аб ахове жывёл і леса? Які буйны звер да 1610 г. поўнасцю знік у Белавежскай пушчы? Калі выйшла пастанова СНК БССР «Аб арганізацыі Беларускага дзяржаўнага запаведніка „Белавежская пушча“»? Адказы на гэтыя і многія іншыя пытанні студэнты даведаліся падчас мерапрыемства.

Таксама студэнты мелі ўнікальную магчымасць пазнаёміцца з рэдкімі выданнямі пачатку XX стагоддзя, прысвечанымі рэліктаваму лесу.

Запрашаем усіх жадаючых на музейна-бібліятэчныя заняткі аддзела рэдкай кнігі! Папярэдні запіс абавязковы.

Аддзел рэдкай кнігі

+375 162 57 48 30