|
|
|
Брэсцкая абласная бібліятэка імя М. Горкага |
|
||||||||
Начало активности (дата): 22.08.2019 10:10:00
Количество показов: 1194
Творчая сустрэча да 80-годдзя Г. С. Тамашэвіча
21 жніўня 2019 г. у аддзеле краязнаўчай літаратуры і бібліяграфіі Брэсцкай абласной бібліятэкі імя М. Горкага адбылася творчая сустрэча з нагоды юбілею паэта, публіцыста, заслужанага журналіста Беларускага саюза журналістаў Георгія Сцяпанавіча Тамашэвіча, даўняга (з 1984 г.) чытача і сябра Бібліятэкі.
Агляд кніжнай выставы «Сцвярджаю дабрыню...», прысвечанай юбілею Георгія Сцяпанавіча Тамашэвіча, правяла галоўны бібліятэкар аддзела Алена Бельская.
Вядучая, старшыня Брэсцкага аддзялення Саюза пісьменнікаў Беларусі, Таццяна Дземідовіч пазнаёміла з гасцямі вечарыны. Сярод прысутных і выступоўцаў былі сябры Саюза пісьменнікаў Беларусі: А. М. Валковіч, З. І. Дудзюк, А. М. Юдыцкі, А. С. Скакун, Л. М. Красеўская. Выступоўцы віншавалі Георгія Сцяпанавіча з юбілейнай датай, узгадвалі свае творчыя стасункі з ім.
Напрыканцы мерапрыемства пісьменнікі Георгій Тамашэвіч, Аляксей Скакун, Аляксандр Юдзіцкі падарылі ў фонд Бібліятэкі свае кнігі, а таксама пакінулі аўтографы на памяць.
Кніжная выстава «Сцвярджаю дабрыню…» будзе экспанавацца ў аддзеле краязнаўчай літаратуры і бібліяграфіі да канца жніўня.
Бельская Алена Лявонцьеўна,
гал. бібліятэкар
аддзела краязнаўчай літаратуры і бібліяграфіі
Кантактны тэлефон: +375 162 57 48 79
