У Брэсцкай абласной бібліятэцы імя М. Горкага працягваюцца мерапрыемствы з цыкла «Культурныя вандроўкі». Так, 4 сакавіка 2021 г. для навучэнцаў 11-га «А» класа СШ № 3 г. Брэста адбылася фальклорная гадзіна «А ў нас Масленіца!». Моладзь даведалася пра асаблівасці святкавання нашымі продкамі аднаго са старажытных славянскіх свят — Масленіцы. Гэтае яркае, маляўнічае свята ў канцы зімы радуе і малых, і дарослых. Гульні, песні, танцы, вясёлы рогат і шум — яго галоўныя прыкметы. Кожны з прысутных вырабіў сваю ляльку-абярэг і нават паспрабаваў паваражыць на блінах. Спадзяёмся, што душэўная атмасфера і новыя веды, атрыманыя ў бібліятэцы, стануць першай прыступкай прылучэння да культурных традыцый беларусаў і любові да радзімы.

Цыкл мерапрыемстваў «Культурныя вандроўкі» — гэта жаданне далучыць моладзь да спадчыны і культурных норм нашых продкаў, да каштоўнасцей, якія адлюстроўваюць нацыянальны вобраз людзей, іх душу, імкненні — тое, што мы павінны берагчы і памнажаць.