З 3-га ліпеня 2015 года ў агульнай чытальнай зале Бібліятэкі будзе экспанавацца выстава літаратуры “Беларусь незалежная: накіраванасць у будучыню”, прысвечаная Дню Незалежнасці Рэспублікі Беларусь.

Выстава прадстаўляе шэраг матэрыялаў: кніг, публікацый з перыядычных выданняў, фотаальбомаў, якія раскрываюць патэнцыял Беларусі за найноўшы перыяд яе развіцця.

Першы раздзел выставы асвятляе прыярытэты палітычнага развіцця і эканамічнага супрацоўніцтва суверэннай Беларусі.

Другі раздзел знаёміць з нацыянальнай культурай Беларусі ў яе ўзаемаадносінах з культурай іншых краін свету.

У якасці асобнага раздзела экспазіцыі вылучаны матэрыялы пра выдатных людзей, якімі па праву ганарыцца наша дзяржава. Імёны падпалкоўніка Уладзіміра Карвата, Мітрапаліта Мінскага і Слуцкага Філарэта, мастака Міхаіла Савіцкага, вучонага Жарэса Алфёрава і іншых герояў суверэннай Беларусі добра ведаюць як у нашай краіне , так і за яе межамі.

Выстава будзе прадстаўлена шырокаму колу чытачоў на працягу ліпеня.

Экспазіцыю падрыхтавала бібліятэкар агульнай чытальнай залы Казакова В. В.

Тэлефон для даведак 20-90-35.