Электронны рэсурс «Агонь душы Ніны Мацяш» прысвечаны выбітнай асобе Берасцейшчыны — паэтэсе, аўтару кніг для дзяцей, крытыку, літаратуразнаўцы і перакладчыку, заслужанаму дзеячу мастацтваў Беларусі, лаўрэату Літаратурнай прэміі імя А. Куляшова, Літаратурнай прэміі Брэсцкага аблвыканкама імя У. Калесніка — Ніне Язэпаўне Мацяш (1943–2008).

Рэсурс прапануе матэрыялы з біяграфіі Ніны Мацяш; аблічбаваныя паэтычныя зборнікі і некаторыя пераклады з французскай, польскай, украінскай моў; літаратурна-крытычныя агляды творчасці; арыгінальныя фотаздымкі; успаміны і прысвячэнні сяброў і паплечнікаў; вычарпальную бібліяграфію (звыш 1600 бібліяграфічных запісаў).

І сёння многія літаратуразнаўцы сыходзяцца ў меркаванні, што маштаб асобы і таленту Ніны Мацяш да канца яшчэ не ўсвядомлены... Запрашаем далучыцца да святла адной з зорак Берасцейскай зямлі.

Глядзіце рэсурс па спасылцы: http://brl.by/virtualnye-proekty/m1/index.html#sec-8a04