Паважаныя чытачы, вашай увазе з 18 чэрвеня 2023 г. у аддзеле абанемента будзе прадстаўлена выстава «ЖЗЛ: книги на все времена».

«Жизнь замечательных людей» — гэта серыя мастацка-біяграфічных кніг, якая знаёміць з выдатнымі дзеячамі мінулых часоў. Жанравы фармат серыі — папулярны біяграфічны нарыс, акцэнтаваны на вялікіх дзеяннях чалавека, які пакінуў свой след у гісторыі сусветнай цывілізацыі.

Серыя выпускалася яшчэ ў 1890–1924 гадах выдавецтвам Ф. Ф. Паўлянкова: за гэты перыяд выдадзена 750 кніг і брашур. З 1933 г. Максім Горкі аднавіў выхад серыі «ЖЗЛ» ў «Часопісна-газетным аб'яднанні».

Кніг, звязаных з Беларуссю, за час існавання серыі выйшла толькі адна: гэта выданне Алега Лойкі «Янка Купала» (Масква, 1982). У ёй прадстаўлены таксама дакументальныя і архіўныя матэрыялы, успаміны сучаснікаў. Аўтар паказаў неаддзельнасць лёсу вялікага паэта ад лёсу Беларусі першай паловы ХХ стагоддзя.

У 1989 г. стала выдавацца «Жизнь замечательных людей. Малая серия: Серия биографий».

Да 2010 г. агульная колькасць выпускаў серыі «ЖЗЛ» перавысіла паўтары тысячы, а сумарны тыраж — больш за сто мільёнаў асобнікаў.

Запрашаем азнаёміцца з выставай у аддзеле абанемента!

Аддзел абанемента

+375 162 57 48 09