1 лістапада 2023 г. у аддзеле перыядычных выданняў Брэсцкай абласной бібліятэкі імя М. Горкага прайшлі заняткі пошукава-пазнавальнага практыкума «Інтэлектуальная размінка». На гэты раз студэнты 4 курса аддзялення «Беларуская філалогія (літаратурна-рэдакцыйная дзейнасць)» філалагічнага факультэта БрДУ імя А. С. Пушкіна гаварылі пра мовазнаўства.

Студэнтам былі прапанаваны пытанні па гісторыі рускай мовы, паходжанні розных слоў і выразаў. У часопісных публікацыях хлопцы шукалі адказы на такія пытанні, як: калі ў грамадзянскім алфавіце стала зацвярджацца літара «Э» і якая літара алфавіту, на думку Л. Успенскага, самая дарагая і чаму? Якія словы называюць «універбантамі» і што азначае слова «фабінг»? Калі ў рускі моўны ўжытак увайшло зварот на «Вы»?

Студэнты тлумачылі паходжанне слоў «плацкартны вагон» і «купэ», «лекар» і «доктар», распавядалі пра паходжанне такіх выразаў, як: «дайсці да ручкі», «даць стракача», «пераможцаў не судзяць» і інш.

Запрашаем усіх жадаючых на заняткі пошукава-пазнавальнага практыкума «Інтэлектуальная размінка». Тэмы заняткаў: гісторыя, геаграфія, літаратуразнаўства, мовазнаўства. Запісацца можна па тэлефоне аддзела перыядычных выданняў.

Аддзел перыядычных выданняў

+ 375 162 57 48 39