З 5 верасня 2022 г. у аддзеле літаратуры па мастацтве Брэсцкай абласной бібліятэкі імя М. Горкага дзейнічае выстава «Якуб Колас и Янка Купала ў мастацтве», прысвечаная 140-годдзю з дня нараджэння беларускіх класікаў літаратуры.

Колас і Купала — сучаснікі, таварышы, калегі. Гістарычная заслуга Купалы і Коласа заключаецца перш за ўсё ў тым, што яны ўнеслі важны ўклад у развіццё і станаўленне беларускай літаратурнай мовы. На экспазіцыі прадстаўлены кнігі, мастацкія альбомы, наборы паштовак, асобныя рэпрадукцыі. Аўтарамі работ выступаюць мастакі: Міхаіл Савіцкі, Леанід Шчамялёў, Заір Азгур, Іван Міско, Андрэй Бембель, Леанід Дударэнка, Васіль Шаранговіч і іншыя.

Запрашаем усіх жадаючых наведаць экспазіцыю, якая будзе адкрыта для прагляду да пачатку кастрычніка.

Аддзел літаратуры па мастацтве

Кантактны тэлефон: + 375 162 57 48 78