З 20 сакавіка 2022 г. у аддзеле абанемента Брэсцкай абласной бібліятэкі ім. М. Горкага будзе дэманстравацца кніжная выставка “Поэзия — музыка слов”, прымеркаваная да Сусветнага дня паэзіі. Ён адзначаецца 21 сакавіка. Гэта свята было заснавана ЮНЭСКА 15 лістапада 1999 г. Галоўная мэта міжнароднага дня паэзіі — падкрэсліць тое найвялікшае значэнне, якое адыгрывае літаратура ў культурным жыцці сучаснага грамадства, аб'яднаць паэтаў усяго свету і даць ім права і магчымасць заявіць пра сябе.

     Выстава напоўнена зборнікамі вершаў нашых землякоў: Ірыны Дашынай, Зінаіды Дудзюк, Ніны Мацяш, Алеся Каско, Яўгеніі Янішчыц, Алеся Разанава, Міколы Пракаповіча, таксама творамі вялікіх беларускіх і замежных аўтараў: М. Багдановіча, Янкі Купалы, М. Танка, А. С. Пушкіна, І. Бродскага, Т. Шаўчэнкі, Р. Кіплінга і інш. У чытачоў будзе магчымасць дакрануцца да сусветных скарбаў паэзіі на мовах-першакрыніцах: беларускай, украінскай, рускай, англійскай.

Паэзія — гэта і калыханка, і гімн краіны, і прызнанне ў каханні, і апяванне прыгажосці прыроды, і выраз пачуццяў, якія даюць нам магчымасць падарожнічаць па чалавечых сэрцах.

Аддзел абанемента

Кантактны тэл. +375 162 57 48 09