З 6 па 30 лістапада 2023 г. у аддзеле абанемента Брэсцкай абласной бібліятэкі імя М. Горкага экспануецца выстава «Іван Сяргеевіч Тургенеў: літаратурная спадчына», прымеркаваная да 205-годдзя з дня нараджэння пісьменніка. Творчая спадчына I. С. Тургенева прадстаўлена ў бібліятэцы зборнікам твораў у 12-ці тамах, творамі ў 2-х тамах, абранымі творамі, а таксама асобнымі кнігамі пісьменніка. Жанравае напаўненне выставы складаюць раманы, аповесці, апавяданні, запіскі, лісты, вершы ў прозе.

Першая частка выставы ўключае мастацкія творы класіка рускай літаратуры: раманы «Отцы и дети», «Дворянское гнездо», «Рудин», «Накануне», «Записки охотника», аповесці «Ася», «Вешние воды», «Первая любовь», расказы «Муму», «Рассказ отца Алексея». Большасць з вышэйпералічаных твораў былі экранізаваны.

У даследаваннях, якія экспануюцца ў другім раздзеле выставы, прадстаўлены матэрыялы аб творчым метадзе І. С. Тургенева, аб мастацкай манеры і стылі пісьменніка. На вялікім фактычным матэрыяле прасочваюцца рамантычныя тэндэнцыі ў творчасці І. С. Тургенева, вывучаюцца асаблівасці яго сатыры і лірыкі. Асаблівая ўвага надаецца майстэрству Тургенеўскай партрэта, прыёмам стварэння вобразаў і дыялогаў. У прыватнасці, можна звярнуць увагу на кнігі С. Д. Купрадзэ «Читаем русскую классическую литературу» (Мінск, 2019), Ю. У. Лебедзева «Художественный мир романа И. С. Тургенева „Отцы и дети“» (Масква, 2002), Л. Гросмана «Литературные биографии» (Масква, 2013).

Сябры і сучаснікі пісьменніка сцвярджалі, што І. С. Тургенеў быў даволі супярэчлівай асобай. Але, наведаўшы нашу выставу, кожны з вас зможа сфармаваць сваё ўяўленне аб адным з вядомых класікаў рускай літаратуры.

Аддзел абанемента

+375 162 57 48 09