З 15 снежня 2023 г. па 14 студзеня 2024 г. у аддзеле перыядычных выданняў экспануецца выстава «Даследчык гістарычнай навукі. “Беларускаму гістарычнаму часопісу” — 30 гадоў» з цыкла «Юбилейная история». 

«Беларускі гістарычны часопіс» — гэта беларускі навукова-тэарэтычны, навукова-метадычны ілюстраваны часопіс, які быў заснаваны ў 1993 г. Спачатку часопіс выдаваўся чатыры разы на год, а з ліпеня 2003 г. — штомесяц. З 2002 ён года уключаны ў Пералік навуковых выданняў Вышэйшай атэстацыйнай камісіі Рэспублікі Беларусь для апублікавання вынікаў дысертацыйных даследаванняў па гістарычных і юрыдычных навуках, мастацтвазнаўстве, культуралогіі і уваходзіць у склад выдавецтва «Адукацыя і выхаванне». На сваіх старонках часопіс змяшчае матэрыялы па гісторыі беларускай дзяржаўнасці, палітычнай, эканамічнай, аграрнай, ваеннай, канфесійнай гісторыі, гісторыі палітычных партый і рухаў, па праблемах палітычнага і грамадскага жыцця, а таксама па гісторыі адукацыі, методыцы выкладання гісторыі, якія дапамагаюць навукоўцам, выкладчыкам, настаўнікам і студэнтам больш дакладна арыентавацца ў розных поглядах на праблемы гістарычнай навукі, адукацыі і выхавання моладзі. Важная якасць часопіса — вытрыманая мяжа паміж выданнем навуковым, навукова-метадычным і выданнем, якое займаецца папулярызацыяй навукі. У 2019 г. «Беларускі гістарычны часопіс» стаў пераможцам XV Нацыянальнага конкурсу друкаваных сродкаў масавай інфармацыі «Залатая літара» ў намінацыі «Лепшыя матэрыялы гісторыка-краязнаўчай тэматыкі».

На выстаўцы прадстаўлены першыя і юбілейныя нумары часопісаў, а таксама артыкул пра першага рэдактара выдання — Васіля Фёдаравіча Кушнера. Экспазіцыя дэманструе матэрыялы з часопісаў пра першую беларускую друкаваную кнігу і першую ў свеце кнігу «Буквар», што выйшла з беларускай друкарні. На выставе прадстаўлены шэраг публікацый, якія размешчаны на старонках выдання, звязаных з г. Брэстам. Адной з такіх з’яўляецца артыкул аб знаходцы навукоўцамі ў 2012 г. партрэта брэсцкага ваяводы Яна Ракоўскага, дзе даследуецца як сам партрэт, так і асоба, намаляваная на ім. Артыкул ўпершыню быў апублікаваны ў часопісе ў 2019 г. і прымеркаваны да 1000-годдзя г. Брэста. На выставе змешчаны цікавыя публікацыі з часопісаў на працягу паследняга дзясяцігоддзя па гісторыі нашай краіны і жыцці беларусаў: іх традыцыях і звычаях.

Выстаўка падрыхтавана па матэрыялах «Беларускага гістарычнага часопіса».

Аддзел перыядычных выданняў

+375 162 57 48 39