З 1 па 29 кастрычніка 2026 года ў аддзеле перыядычных выданняў Брэсцкай абласной бібліятэкі ім. М. Горкага экспануецца выстава «Імя тваё — настаўнік», прымеркаваная да Дня настаўніка.

У Рэспубліцы Беларусь Дзень настаўніка адзначаецца ў першую нядзелю кастрычніка. Гэта прафесійнае свята, замацаванае Указам Прэзідэнта Рэспублікі Беларусь ад 26 сакавіка 1998 года № 157 «Аб дзяржаўных святах, святочных днях і памятных датах у Рэспубліцы Беларусь», нагадвае нам пра ключавую ролю педагога ў жыцці кожнага чалавека і пра тую асаблівую духоўную сувязь, якая ўзнікае паміж вучнем і настаўнікам.

Сучасны настаўнік — гэта праваднік ведаў і стваральнік будучыні. Менавіта ён фармуе пакаленні, якія заўтра будуць вызначаць развіццё грамадства. Мабільнасць, глыбокая эрудыцыя, уменне знаходзіць нестандартныя рашэнні і эфектыўна выкарыстоўваць інфармацыйныя тэхналогіі — неад'емныя рысы сённяшняга педагога. Аднак ва ўсе часы галоўнай якасцю настаўніка застаецца здольнасць натхняць, захапляць і весці за сабой. Педагог не проста перадае веды — ён фармуе светапогляд, уплываючы на каштоўнасці і прыярытэты, з якімі падрастаючае пакаленне ўваходзіць у дарослае жыццё.

Выстаўка ўключае публікацыі, прысвечаныя гісторыі педагогікі, выдатным асветнікам і заслужаным настаўніцкім дынастыям. Адмысловая ўвага нададзена матэрыялам, якія асвятляюць новыя формы, метады і тэхналогіі ў сістэме прафесійнай адукацыі і падрыхтоўцы сучасных кадраў.

Экспазіцыя падрыхтавана па матэрыялах публікацый з часопісаў «Педагогика», «Народная асвета», «Педагогическая наука и образование», «Адукацыя і выхаванне», «Народное образование», «Беларуская думка», «Пачатковая школа» і інш.

Аддзел перыядычных выданняў

+375 162 57 48 39