10 снежня 2025 года ў Палацы Рэспублікі адбылося ўручэнне дзяржаўных узнагарод. Прэм'ер-міністр Аляксандр Генрыхавіч Турчын уручыў Медалі Францыска Скарыны і Падзякі Прэзідэнта Рэспублікі Беларусь спецыялістам галіны культуры, адукацыі, аграпрамысловага комплексу, лясной і жыллёва-камунальнай гаспадаркі, падатковых органаў і іншых сфер. «Сёння мы ўзнагароджваем людзей, якія сваім талентам і самаадданай працай уносяць значны ўклад ва ўмацаванне і развіццё нашай роднай Беларусі. Кожны з вас — прыклад высокага прафесіяналізму, узор вернасці і служэння сваёй справе. Дзяржава па заслугах ацаніла ваш уклад», — адзначыў прэм'ер-міністр.

Дырэктар Брэсцкай абласной бібліятэкі імя М. Горкага Алена Якаўлеўна Стрыжэвіч удастоена Медалі Францыска Скарыны!

Паважаная Алена Якаўлеўна! Гэтая ўзнагарода — заслужанае прызнанне Вашага шматгадовага адданага служэння Кнізе і асвеце, Вашага ўнёску ў захаванне культурнай спадчыны і фарміраванне духоўных каштоўнасцяў грамадства. Віншуем!